(image credit - twitter - thefigen)
తప్పని గురి
ఈ వీడియోని గమనిస్తే... ఓ సరస్సు పక్కన ఉన్న అడవిలో జాగ్వార్ దాక్కొని ఉంది. ఆ సమయంలో.. నది నీటిలో ఓ మొసలి వస్తూ ఉంది. మొసలిని చూడగానే జాగ్వార్ యాక్టివ్ అయిపోయింది. పొదల మాటు నుంచి గురిపెట్టి చూడసాగింది. తన దారిన తాను ఈదుకుంటూ మొసలి దగ్గరకు వస్తూ ఉండదా... సరైన టైమ్ చూసి.. ఒక్కసారిగా నీటిలోకి గెంతింది జాగ్వార్. ఊహించని ఈ ఘటనతో మొసలి ఉలిక్కిపడింది. మొసలి అలర్ట్ అయ్యేలోపే దాని మెడను కొరికిన జాగ్వార్... బలంగా ఈడ్చుకుంటూ... గట్టుపైకి లాక్కుపోయింది. ఎంతో గింజుకున్న మొసలి.. చివరకు ఓడిపోయింది.
(image credit - twitter - thefigen)
మొసలి బలం ఏమైంది?
నిజానికి నీటిలో మొసలికి తిరుగుండదు. ఏనుగు లాంటి పెద్ద జంతువుల్ని కూడా మొసలి నీటిలో ఈడ్చుకుపోగలదు. దాని పట్టు నుంచి తప్పించుకోవడం కష్టం. అలాంటి మొసలి ఇక్కడ జాగ్వార్ నోటిలో బలైంది. జాగ్వార్ తనను మెడదగ్గర కొరికి పట్టుకోగానే... మొసలికి ఏం చెయ్యాలో అర్థం కాలేదు. ఎలా పట్టు విడిపించుకోవాలో తెలియలేదు. అక్కడికీ తోకతో జాగ్వార్ ను కొట్టేందుకు ప్రయత్నించింది. కానీ ఆ వైల్డ్ క్యాట్ చాలా పెద్దది. ఇలాంటివి ఎన్నో చూసి ఉంటుంది. అందువల్ల మొసలి ప్లాన్లను వర్కవుట్ కానివ్వలేదు. అదే నెటిజన్లను ఆశ్చర్యపరుస్తోంది. నీటిలోనూ జాగ్వారే గెలిచిందే అనుకుంటున్నారు.
(image credit - twitter - thefigen)
ఆ వీడియోని ఇక్కడ చూడండి (viral video)
నెటిజన్ల స్పందన
వైల్డ్ లైఫ్ వీడియోలలో ఎంతో కిక్ ఉంటుంది. అలాంటి కిక్‌ని ఈ వీడియో ఇచ్చిందని నెటిజన్లు అంటున్నారు. "నాకు నచ్చే జంతువుల్లో జాగ్వార్ లు ఒకటి. అవి కూల్‌గా పని కానిస్తాయి" అని ఓ యూజర్ కామెంట్ ఇవ్వగా... "జాగ్వార్‌ని ఎప్పుడు చూసినా అద్భుతంగా ఉంటుంది" అని మరో యూజర్ కామెంట్ రాశారు. "గురి, పట్టుదల, నమ్మకం" అని మరో యూజర్ రిప్లై ఇచ్చారు. "అదేంటో గానీ మొసళ్లను ఏదైనా వేటాడితే నాకు ఆనందంగా ఉంటుంది" అని మరో యూజర్ కామెంట్ ఇచ్చారు. "వాటికి ఆ మొసలి చికెన్ లాగా ఉంటుందేమో" అని ఇంకో యూజర్ స్పందించారు.
(image credit - twitter - thefigen)