Joe Biden : జో బిడెన్ కి ఏమైంది.. స్కిజోఫ్రీనియా వచ్చిందా?

Joe Biden : జో బిడెన్ పేరుకే అమెరికా అధ్యక్షుడి (US President)గా ఉన్నారనీ.. నిజానికి ఆయన స్వయంగా ఏమీ చెయ్యలేకపోతున్నారని కొన్నాళ్లుగా ఆయనపై విమర్శలు వస్తున్నాయి. ఆయన ప్రెస్ మీట్లలో చేసే పనులు కూడా ఆ విమర్శలకు ఆజ్యం పోస్తున్నాయి. చాలా సందర్భాల్లో ఆయన ఒకటి చెప్పబోయి మరొకటి చెబుతున్నారు. ఏదో మాట్లాడబోయి.. మరేదో మాట్లాడుతున్నారు. దాంతో రిపోర్టర్లు గందరగోళం చెందుతున్నారు. తాజాగా మరో రకమైన ఘటన జరిగింది. ఇదైతే అందర్నీ మరింత ఆశ్చర్యపరుస్తోంది. ఓ సెనెటర్‌కి ఆల్రెడీ షేక్ హ్యాండ్ ఇచ్చిన జో బిడెన్.. నెక్ట్స్ కొన్ని క్షణాలకే ఆ విషయం మర్చిపోయారు. మరోసారి షేక్ హ్యాండ్ ఇచ్చేందుకు రెడీ అయిపోయారు. అది చూసి రిపోర్టర్లకు దిమ్మ తిరిగింది. (joe biden shake hand video)

ఏం జరిగింది?
అమెరికా సెనెటర్ చుక్ షుమెర్... ఓ కార్యక్రమంలో స్పీచ్ ఇచ్చేందుకు రెడీ అయ్యారు. ఆయన వెనక జో బిడెన్ తో పాటూ మరో ముగ్గురు ఉన్నారు. ప్రసంగం మొదలుపెట్టే ముందు చుక్.. జో బిడెన్ కి షేక్ హ్యాండ్ ఇచ్చారు. తర్వాత మిగతా ముగ్గురు అధికారులకు కూడా షేక్ హ్యాండ్ ఇచ్చారు. ఇంతలో జో బిడెన్... మరోసారి షేక్ హ్యాండ్ ఇచ్చేందుకు చెయ్యి చాపారు. అది గమనించని చుక్... ప్రసంగం ప్రారంభించారు. దాంతో... జో బిడెన్... "ఇదేంటి.. నేను ఆల్రెడీ షేక్ హ్యాండ్ ఇచ్చేశానా... లేక నాకు ఇవ్వలేదా" అని ఆశ్చర్యపోతూ ఫేస్ ఎక్స్‌ప్రెషన్ ఇచ్చారు. ఆయన మతిమరపుతో ఇలా చేశారా... లేక స్కిజోఫ్రీనియా సమస్యతో ఆయన బాధపడుతున్నారా అనే అంశం సోషల్ మీడియాలో దుమారం రేపుతోంది. (joe biden forget shake hand video)

ఇందుకు సంబంధించిన వీడియోని ట్విట్టర్ లోని @RNCResearch అకౌంట్ లో ఆగస్ట్ 9, 2022న పోస్ట్ చేయగా.. ఇప్పటివరకూ దాదాపు కోటి మంది దాకా చూశారు. 2 వేలకు పైగా లైక్స్ వచ్చాయి.

ఆ వీడియోని ఇక్కడ చూడండి (viral video)

World Organ Donation Day : అవయవ దానం .. మహా దానం .. కొన్ని నిజాలు
నెటిజన్లు దీనిపై ఆశ్చర్యపోతున్నారు. "నేను పగలబడి నవ్వుతున్నాను" అని ఓ యూజర్ కామెంట్ ఇవ్వగా... "ఎవరైనా డాక్టర్ ని పిలవండి" అని మరో యూజర్ కామెంట్ ఇచ్చారు. "అక్కడ ఏం జరుగుతోందో బిడెన్ కి తెలియట్లేదు" అని మరో యూజర్ కామెంట్ ఇచ్చారు. "అంతా కలిపి 5 సెకండ్లు అయి ఉంటుంది. అంతలోనే జో బిడెన్ ఆ విషయం మర్చిపోయారు" అని మరో యూజర్ కామెంట్ ఇచ్చారు.
Asteroids : భూమి వైపుగా 4 గ్రహశకలాలు.. ఏం జరుగుతోంది?
కొన్ని నెలల కిందట కూడా జో బిడెన్ ఇలాగే చేశారు. స్పీచ్ ఇచ్చిన తర్వాత... పక్కన ఎవరూ లేకపోయినా... ఉన్నట్లుగా షేక్ హ్యాండ్ ఇచ్చారు. ఆయన ఎవరికి ఇచ్చారో ఎవరికీ అర్థం కాలేదు. ఇలా జో బిడెన్ కాస్తా జోకర్ అయిపోయారనే విమర్శలు వస్తున్నాయి. అమెరికా అధ్యక్షుడికి ఏం జరిగింది అనే ప్రశ్నకు నెటిజన్లు సమాధానం కోరుతున్నారు.