viral: వామ్మో.. టాయిలెట్‌లో పడిన పిడుగు.. నయం.. ఎవరూ లేరు

టెక్నాలజీ ఎంత డెవలప్ అయినా... పిడుగుల దాడి నుంచి తప్పించుకునే పరిస్థితి ఇప్పటికైతే లేదు. ఏ ప్రాంతంలో పిడుగులు పడతాయో ముందుగానే చెబుతున్నారు గానీ... కచ్చితంగా ఎక్కడ పడతాయో తెలియని పరిస్థితి. ఎక్కువగా పొలాల్లో... తాటిచెట్లపై పిడుగులు పడుతుంటాయి. తాజాగా... పిడుగులు పడే సమయంలో... బాత్‌రూమ్, టాయిలెట్లకు వెళ్లొద్దని కొందరు నిపుణులు చెబుతున్నారు. ఎందుకంటే... అమెరికా (america).. ఫ్లోరిడా (florida)లో జరిగిన ఘటన... పిడుగులు అలా కూడా పడతాయని తేల్చింది. (Lightning bolt explodes toilet)

ఓ ఇంట్లోని టాయిలెట్‌కి... సెప్టిక్ ట్యాంక్, మెటల్ ఎగ్జాస్ట్ (metal exhaust) ఏర్పాటు చేశారు. ఓ పిడుగు... సెప్టిక్ ట్యాంక్‌కి చేరి... అక్కడి నుంచి మెటల్ ఎగ్జాస్ట్ లోకి ప్రవేశించింది. వేగంగా దూసుకొచ్చి... టాయిలెట్‌ని పేల్చేసింది. లక్కీగా ఆ సమయంలో టాయిలెట్‌పై ఎవరూ లేరు. ఉండి ఉంటే... ఘోరమైన మరణం సంభవించేదే. ఈ ఘటనకు సంబంధించిన ఫొటోలు ఇప్పుడు సోషల్ మీడియాలో వైరల్ అవుతున్నాయి. "పిడుగు ఇంత పనిచేసిందా?" అని నెటిజన్లు ఆశ్చర్యపోతున్నారు.

ఫ్లోరిడాలోని చార్లొట్టే కౌంటీ... మేరీలో వార్డ్‌లో ఈ ఘటన మే 4న రాత్రివేళ జరిగినట్లు తెలిసింది. ఈ ఘటన జరిగిన సమయంలో ఇంట్లోని భార్యభర్తలు బెడ్‌పై నిద్రపోతున్నారు. సడెన్‌గా వారికి పెద్ద శబ్దం వినిపించింది. ఉలిక్కి పడి లేచారు. "నీకు ఆ పేలుడు వినిపించిందా... అంటే.. అవును వినిపించింది" అనుకున్నారు. ఏం జరిగిందో చూద్దాం అని బెడ్‌రూమ్ నుంచి బయలుదేరారు. ఇంటి బయట అటూ ఇటూ చూశారు. ఎక్కడా ఏ తేడా కనిపించలేదు. చివరకు టాయిలెట్ డోర్ తెరచి చూస్తే... షాకింగ్ సీన్ కనిపించిందట.

ఒక్ముల్గీ ఫైర్ డిపార్ట్‌మెంట్‌కి చెందిన ఫైర్ ఫైటర్స్... రాత్రివేళ ఆ అపార్ట్‌మెంట్‌కి వచ్చి... పేలుడుకి కారణాలను పరిశీలించారు. టాయిటెల్ పూర్తిగా నాశనమైందని తేల్చారు. దానితోపాటూ... ఆ గదిలోని ఫ్యాన్ కూడా పాడైందని తేల్చారు. ఫ్యాన్‌కి సంబంధించిన వైర్ ఉన్న ఓ ఏరియాలో చిన్న మంట కూడా వచ్చిందని తెలిసింది.
viral video: పసిఫిక్‌‌లో వింత.. సముద్ర గర్భంలో పసుపు ఇటుకల రోడ్డు
"ఆ పిడుగు ముందుగా టాయిలెట్ కింద ఉన్న రూఫ్‌ని నాశనం చేసి... ఆ తర్వాత టాయిలెట్‌లో ఉన్న నీటికి టచ్ అయ్యింది. దాంతో పేలుడు సంభవించింది" అని ఫైర్ అధికారి ఒకరు తెలిపారు.
viral video: అమ్మాయిల ముందు పిల్లిమొగ్గలు వేశాడు.. అరెస్ట్ అయ్యాడు
"నేను 19 ఏళ్లుగా ఫైర్ డిపార్ట్‌మెంట్‌లో పనిచేస్తున్నాను. ఇలాంటిది ఎప్పుడూ చూడలేదు" అని ఫైర్ డిపార్ట్‌మెంట్ లెఫ్టినెంట్ తెలిపారు. మొత్తానికి ఈ ఘటనతో పిడుగులు పడే సమయంలో బాత్‌రూమ్‌కి వెళ్లకపోవడం బెటర్ అనే వాదన వినిపిస్తోంది.