పులి చనువిచ్చిందని ఫొటో దిగాలనుకున్నాడు, చివరికి..

‘‘పులిని దూరం నుంచి చూడాలనిపిస్తే చూస్కో. పులితో ఫొటో దిగాలనిపిస్తే కొంచెం రిస్కయినా పర్వాలేదు, ట్రై చేయొచ్చు. సరే.. చనువిచ్చింది కదా అని పులితో ఆడుకొంటే మాత్రం వేటాడేస్తది’’ అనే ఎన్టీఆర్ డైలాగ్ గుర్తుందా? ఇటీవల సరిగ్గా అలాంటి ఘటనే ఒకటి చోటుచేసుకుంది. గాయంతో పడివున్న పులికి ఫొటో తీయబోయి బుక్కయ్యాడు.

ఐఎఫ్ఎస్ అధికారి ప్రవీణ్ కస్వాన్ ఇటీవల ఓ వీడియోను ట్వీట్ చేశారు. అందులో ఓ చిరుత పులి రోడ్డు పక్కన కాలువలో గాయంతో పడివుంది. దీతో స్థానికులు దాన్ని చుట్టూ గుమిగూడి ఫొటోలు, వీడియోలు తీయడం మొదలుపెట్టారు. ఓ వ్యక్తి దాన్ని మరింత దగ్గరగా ఫొటో తీయడానికి ప్రయత్నించాడు. అదెలాగో కదలడం లేదు కదా అని కాస్త ధైర్యం చేశాడు. దీంతో ఆ పులికి కోపం వచ్చింది. ఒక్కసారిగా లేచి అతడిపైకి దూకింది. ఆ దెబ్బకు అతడు కాలువ గుంతలో పడ్డాడు. అయితే, గాయం నొప్పో లేదా జనాల అరుపుల వలనో తెలీదుగానీ అతడిని ఏమీ చేయకుండానే వదిలిపెట్టేసింది.
‘‘ఓ చిరుత పులిని వాహనం ఢీకొట్టింది. గాయంతో పడివున్న ఆ పులికి ఓ వ్యక్తి దగ్గర నుంచి ఫొటో తీయడానికి ప్రయత్నించాడు. అది అతడికి తగిన గుణపాఠం చెప్పింది. వన్య మృగాలను తప్పకుండా గౌరవించాలనే సందేశం ఇచ్చింది. మీరు ఇతనిలా ప్రవర్తించకండి’’ అని ప్రవీణ్ కస్వాన్ ట్విట్‌లో పేర్కొన్నారు.

Read also: వామ్మో, మొసలి.. కంచె దూకి మరీ ఎస్కేప్!