షాకింగ్ వీడియో: కాలింగ్ బెల్ కొడితే.. పాము కాటేసింది!

ఓ వ్యక్తి తన స్నేహితుడి ఇంటికి వెళ్లి కాలింగ్ బెల్ కొట్టాడు. అంతే.. వెంటనే ఓ పాము అతన్ని కాటువేసింది. ఈ ఘటన ఓక్లహోమాలోని లాటన్‌లో చోటుచేసుకుంది. జెరల్ హేవుడ్ అనే వ్యక్తి తన స్నేహితుడు రాడ్నే ఇంటికి వెళ్లాడు. కాలింగ్ బెల్ కొడుతుండగా.. డోరుకు వేలాడుతున్న పాము అకస్మాత్తుగా హేవుడ్ నుదుటి మీద కాటు వేసింది.

దీంతో షాకైన హేవుడ్ ఒక్క క్షణం వెనక్కి వెళ్లి.. ఇంట్లోకి వెళ్లిపోయాడు. ‘‘నన్ను వెంటనే హాస్పిటల్‌కు తీసుకెళ్లండి. నన్ను పాము కరిచింది’’ అంటూ రాడ్నే కుటుంబికులను వేడుకున్నాడు. సీసీటీవీ కెమేరాలో రికార్డయిన ఈ వీడియోను రాడ్నే కుమారుడు మషావన్ ‘ఫేస్‌బుక్‌’లో పోస్టు చేశాడు. ప్రస్తుతం ఇది వైరల్‌గా చక్కర్లు కొడుతోంది. ప్రస్తుతం హేవుడ్ కోలుకుంటున్నాడని అతడు తెలిపాడు.
వీడియో: