video: ఆఫీసుని ఇల్లుగా మార్చుకున్నాడు.. హోమింగ్ ఫ్రమ్ ఆఫీస్ చేశాడు

ఈ అరుదైన ఘటన అమెరికాలో జరిగింది. ఆఫీసుల్లో క్యూబికిల్స్ (cubicles) ఉంటాయి కదా. అదే డెస్క్ ఛాంబర్ లాంటివి. అలాంటి ఓ క్యూబికిల్‌ను ఇల్లులా మార్చుకున్నాడు సైమన్ అనే వ్యక్తి. అతనికి కంపెనీ చాలా తక్కువ శాలరీ ఇస్తోందట. అలాంటి తాను విడిగా ఓ ఇంటికి అద్దె చెల్లిస్తూ బతకలేను అని అనుకున్న అతను... కంపెనీ తీరుకు నిరసనగా ఆఫీసునే ఇల్లుగా మార్చుకొని... వర్క్ ఫ్రమ్ హోమ్ (work from home) బదులుగా... హోమ్ ఫ్రమ్ వర్క్ చేస్తున్నాడు. అతనికి సంబంధించిన ఓ వీడియో టిక్‌టాక్ సహా సోషల్ మీడియా ప్లాట్‌ఫామ్‌లలో వైరల్ అవుతోంది. (homing from work)

ఆ వీడియోని గమనిస్తే... సైమన్... తన సూట్ కేస్ నుంచి బట్టలు, ఇతర సామగ్రిని బయటకు తీసి... క్యూబికిల్‌లో సర్దుకుంటున్నాడు. డెస్కులో స్లీపింగ్ బ్యాగ్ పెట్టుకొని.. అందులో నిద్రపోయాడు. ఆహారం కోసం అతను పైనాపిల్, హామ్ బర్గర్‌ను ఫ్రిజ్ లో ఉంచున్నాడు. ఆఫీసులోని రెండో భవనంలో తాను స్నానం చేస్తున్నట్లు తెలిపాడు. మిగతా ఉద్యోగులంతా వర్క్ ఫ్రమ్ హోమ్ చేయగా.. ఆ సమయంలో సైమన్ ఆఫీసులోనే ఉన్నాడు. (man doing home from work)

"ఇది నేనే. నా వస్తువులన్నీ బ్యాగుల్లో సర్దుకొని... ఇక్కడ ఉంచుకున్నాను. అపార్ట్‌మెంట్ నుంచి క్యూబికిల్‌కి వచ్చేశాను. వారు నాకు సరిపడా శాలరీ చెల్లించట్లేదు. అందుకు నిరసనగా నేను పనిచేస్తున్నచోటే జీవిస్తున్నాను. ఇలా ఎంతకాలం చేస్తానో" అని ఇన్‌స్టాగ్రామ్‌లోని వీడియోలో అతను తెలిపాడు.

ఆ వీడియోని ఇక్కడ చూడండి (viral video)

ఈ వీడియో సోషల్ మీడియాలో వైరల్ అవుతోంది. దీనిపై నెటిజన్లు రకరకాల కామెంట్స్ ఇస్తున్నారు. "అతనేమంటున్నాడంటే... వర్క్ ఫ్రమ్ హోమ్ మర్చిపోండి... హోమ్ ఫ్రమ్ వర్క్ చెయ్యండి అంటున్నాడు" అని ఓ యూజర్ కామెంట్ ఇవ్వగా... "మాకు ప్రతి రోజూ అప్‌డేట్ ఇవ్వండి.. ఆసక్తిగా ఉంది" అని మరో యూజర్ కామెంట్ ఇచ్చారు. "డ్యూడ్ నువ్వు షర్ట్ వేసుకొని ఉండాల్సింది. ఇది పెద్ద న్యూసే అవుతుంది" అని మరో యూజర్ కామెంట్ ఇచ్చారు.

ఈ విషయం తెలిశాక... ఆఫీస్ మేనేజ్‌మెంట్ అతన్ని అక్కడి నుంచి పంపించేసింది. అందుకు సంబంధించి సైమన్ మరో వీడియో పోస్ట్ చేశారు. దాన్ని ఇక్కడ చూడండి.

video: వీపుపై అంటించుకున్నాడు.. ఆనందం తీరిపోయింది
దీనిపై కూడా నెటిజన్లు స్పందించారు. "ఇంత త్వరగా తెలిసిపోయిందా... అప్పుడే ఖాళీ చేయించేశారా" అని ఓ యూజర్ స్పందించగా... "నిన్ను ఉద్యోగం నుంచి తీసేశారా లేక.. ఆఫీస్ నుంచి ఖాళీ చేయించారా" అని మరో యూజర్ ప్రశ్నించారు.