ఓర్నీ.. ఎక్కడా చోటులేనట్లు కరెంట్ స్తంభంపై వ్యాయామం, వీడియో వైరల్

వ్యాయామం చేయాలనుకుంటే పార్కు వెళ్తే సరిపోతుంది. లేదా జిమ్‌కు వెళ్లాలి. కరోనా వైరస్ వల్ల లాక్‌డౌన్ అమల్లో ఉంటే ఇంట్లో ఒక గదిలో కూర్చొని వ్యాయామం చేసుకోవాలి. అయితే, అతడు ఎక్కడా చోటులేనట్లు ఏకంగా కరెంట్ పోల్ మీదకు ఎక్కి వ్యాయామం చేశాడు. అతడి వల్ల వేలాది ఇళ్లకు విద్యుత్ సరఫరా నిలిచిపోయింది.

ఈ అరుదైన ఘటన చైనాలోని చెగ్డూ‌ శివారు ప్రాంతంలో చోటుచేసుకుంది. ఓ వ్యక్తి ఎప్పుడు ఎక్కడో ఏమో.. విద్యుత్ స్తంభం మీద సిట్-అప్స్, పొట్ట తగ్గే వ్యాయామాలు చేయడం మొదలుపెట్టాడు. అటుగా వెళ్తున్న కొందరు అతడికి కరెంట్ షాక్ కొట్టిందేమోనని భావించారు. అతడు క్షేమంగానే ఉన్నాడని తెలుసుకుని వెంటనే పోలీసులకు సమాచారం అందించారు. దీంతో పోలీసులు ఎమర్జెన్సీ టీమ్‌తో అక్కడికి చేరుకున్నారు.
వింత చేప.. మనిషిలాంటి కళ్లు, నోరు.. హడలిపోయిన జాలరివెంటనే విద్యుత్ సరఫరా నిలిపేసి అతడిని కిందికి దించారు. అయితే, అతడి వివరాలేవీ పోలీసులు బయటకు వెల్లడించలేదు. అతడు కరెంట్ పోల్ ఎక్కి ఎందుకు వ్యాయమం చేస్తున్నాడనేది కూడా తెలియరాలేదు. ఈ వీడియో మాత్రం స్థానిక సోషల్ మీడియాలో వైరల్‌గా మారింది. అతడి వల్ల ఎమర్జెన్సీ పవర్ కట్ విధించాల్సి వచ్చిందని, దీనివల్ల వేలాది ఇళ్లకు విద్యుత్ సరఫరా నిలిచిపోయిందని అధికారులు తెలిపారు. అయితే, పౌరులు అతడిని అనుసరించే ప్రయత్నం చేయొద్దన్నారు.

వీడియో: