షాకింగ్.. ఎముకలా మారిపోతున్న పురుషాంగం, ఎక్స్‌రే చూసి షాకైన వైద్యులు

ఓ వ్యక్తి వీధిలో పడిపోయాడు. నడుముకు దెబ్బ తగిలింది. అయితే, నడుస్తున్నప్పడు తన మొకాలు బాగా నొప్పి పెట్టింది. దీంతో అతడు వైద్యులను ఆశ్రయించారు. వైద్యులు అతడి నడుము నుంచి మోకాలి వరకు ఎక్స్‌రే తీసి.. ఎక్కడైనా ఎముకలు విరిగాయా అని పరిశీలించారు. అయితే, వారికి కొత్తగా మరో విషయం తెలిసింది. అతడి పురుషాంగం ఎముకగా మారుతున్నట్లు గుర్తించారు.

యూరాలజీ కేస్ రిపోర్ట్స్‌లో పేర్కొన్న వివరాల ప్రకారం.. న్యూయార్క్‌‌‌కు చెందిన 63 ఏళ్ల వ్యక్తి ఇటీవల బ్రోంక్స్‌లోని లింకన్ మెడికల్ అండ్ మెంటల్ హెల్త్ సెంటర్‌లో వైద్య పరీక్షలు చేయించుకున్నాడు. ఈ సందర్భంగా వైద్యులు అతడి పురుషాంగం వద్ద ఎముక కణాలు ఏర్పడుతున్న విషయాన్ని గుర్తించారు. ఈ విషయాన్ని వైద్యులు అతడికి వివరించినా.. పెద్దగా పట్టించుకోకుండా వెళ్లిపోయాడు.

కొద్ది రోజుల తర్వాత అతడి అంగం వద్ద నొప్పి వస్తుందని చెప్పాడు. దీంతో వైద్యులు అతడికి లైంగిక సంబంధిత వ్యాధుల ఏమైనా సోకి ఉండవచ్చని పరీక్షించారు. అతడ గతంలో తీయించుకున్న ఎక్స్‌రేను పరిశీలించిన వైద్యులు అంగం ఎముకగా మారుతుందని చెప్పారు. ఈ ప్రక్రియను అస్థీకరణ (ఓసిఫికేషన్) అంటారని, అరుదుగా ఏర్పడే ఈ వ్యాధి వల్ల శరీరంలో ఏదైనా భాగంలోని కణజాలాలు పూర్తిగా ఎముకలా మారిపోతాయని వైద్యులు వివరించారు. దీన్ని నివారించేందుకు సర్జరీ చేయాల్సి ఉంటుందని, పెయిన్ కిల్లర్లు.. షాక్ వేవ్ థెరపీ ద్వారా ఈ చికిత్స చేస్తామని వైద్యులు బాధితుడికి వివరించారు. అయితే, అతడు చికిత్స చేయించుకోడానికి ఆసక్తి చూపలేదు. ఇలాంటి సమస్య ఉన్నవాళ్లు దాన్ని నిర్లక్ష్యంగా వదిలేస్తే.. ఆ భాగం పూర్తిగా ఎముకలా మారిపోతుందని వైద్యులు తెలిపారు.

Photo credit: Urology Case Reports/Dailymail