ఛీ, పాడు.. అండర్‌వేర్‌కు బదులు.. ‘అక్కడ’ అరటి పండ్లు కట్టుకున్నాడు

ఇంట్లో బట్టలన్నీ ఉతకడం కోసం తడిపేస్తే ఏం చేస్తారు? వేరే దుస్తులు ఏమైనా వేసుకుంటారు. లేదా.. అవి ఆరే వరకు టవల్ కట్టుకుని వెయిట్ చేస్తారు. అయితే, అతడు మాత్రం ‘అక్కడ’ అరటి పండ్లను కట్టుకున్నాడు. ఛీ.. తినే పండ్లను అక్కడ కట్టుకున్నాడా? అదేం పోయేకాలం అని అనుకుంటున్నారా? అయితే, అతడు అలా చేయడం వెనుక ఓ కారణం కూడా ఉంది.

కరోనా వైరస్ నేపథ్యంలో యూకేలోని వేల్స్‌లో లాక్‌డౌన్ విధించారు. కేవలం నిత్యవసర వస్తువులకు మాత్రమే జనాలను అనుమతి ఇస్తున్నారు. షాపింగ్ మాల్స్‌లో దుస్తులు, షూ తదితర వస్తువుల అమ్మకాలను నిలిపేశారు. దీంతో ప్రజలు ఆగ్రహం వ్యక్తం చేస్తున్నారు. దుస్తులు నిత్యవసర వస్తువుల్లో భాగంగా కాదా? అని ప్రశ్నిస్తున్నారు. ఈ సందర్భంగా రకరకాలుగా నిరసనలుగా వ్యక్తం చేస్తున్నారు.

Read Also: భలే ఉద్యోగం.. కుక్కను తిప్పితే నెలకు రూ.2 లక్షల జీతం!

ఇటీవల ఓ వ్యక్తి.. కేవలం అండర్‌వేర్ మాత్రమే ధరించి షాపింగ్ కాంప్లెక్సులో తిరిగిన వీడియో సోషల్ మీడియాలో వైరల్‌గా మారిన సంగతి తెలిసిందే. దుస్తులు నిత్యవసర వస్తువులు కాదు కాబట్టి.. తాను ధరించలేదంటూ అక్కడి సెక్యూరిటీ సిబ్బందితో అతడు వాగ్వాదానికి దిగాడు. తాజాగా మరో వ్యక్తి కూడా ఇలాంటి నిరసనే వ్యక్తం చేశాడు. అయితే, అతడు ఇంట్లో నుంచే ఓ ఫన్నీ వీడియోను నెటిజనులతో షేర్ చేసుకున్నాడు.

Read Also: దుస్తులు విప్పేసి.. అండర్‌వేర్‌తో షాపింగ్, ఎందుకంటే...

స్టిఫెన్ మాథ్యూ అనే వ్యక్తి.. పైన టీషర్టు మాత్రమే ధరించి మొలలకు అరటి పండ్లను కట్టుకున్ని ఓ స్టూల్ నిలుచున్నాడు. ‘‘నిత్యవసర వస్తువుల్లో దుస్తులు లేకపోవడంపై అంతా రకరకాలుగా నిరసన వ్యక్తం చేస్తున్నారు. పనిలో పనిగా నేను కూడా ఫన్నీగా ఓ వీడియో చేయాలని నిర్ణయించుకున్నా. అందుకే మొండి మొలలకు అరటి పండ్లను కట్టుకుని ఈ వీడియో చేశాను’’ అని తెలిపాడు. ఇతడి వింత నిరసన సైతం సోషల్ మీడియాలో వైరల్‌గా మారింది. ఈ వీడియో చూసిన నెటిజనులు.. ‘‘మున్ముందు ఇంకా ఎలాంటివి చూడాల్సి వస్తుందో’’ అంటూ కామెంట్లు పెడుతున్నారు.

వీడియో: