18 అడుగుల ఆ పాము.. అతడి గారాలపట్టి, దీనికో ప్రత్యేక బెడ్‌రూమ్ కూడా!

ఎవరైనా కుక్కను పెంచుతారు.. పిల్లిని పెంచుతారు. లేదా పక్షులను పెంచుతారు. కానీ, అతడు మాత్రం ఏకంగా కొండ చిలువనే ఇంట్లో పెంచుకుంటున్నాడు. అంతేకాదు, అది తన పిల్లలతో సమానమని చెబుతున్నాడు. ఇంట్లో ప్రత్యేకంగా దానికో గదిని కేటాయించి మరీ ఆలనా పాలనా చూస్తున్నాడు. అప్పుడప్పుడు అడవిలోకి షికారు కూడా తీసుకెళ్తున్నాడు.

ఇంత పెద్ద పామును ఇంట్లో ఉంచుకొని ప్రమాదంతో సావాసం చేస్తున్న అతడి పేరు మార్కస్ హబ్స్ (31). ఇంగ్లాండ్‌లోని ట్యూక్స్‌బరీలో నివసిస్తున్నాడు. మార్కస్‌కు నాలుగు, ఏడాది వయస్సు గల కుమారులు, భార్య ఉన్నారు. అంతేకాదండోయ్.. అతడి ఇంట్లో మరో పెంపుడు జంతువు కూడా ఉంది. అదే ఈ కొండ చిలువ ‘హేస్క్సియే’.

Also Read: ఎంత పే..ద్ద.. తాచు పామో, దీన్ని చూస్తేనే సగం ప్రాణాలు పోతాయ్! (వీడియో)

110 కిలోల బరువుండే ఈ కొండ చిలువ చాలా ప్రమాదకరమైనది. అయితే, మార్కస్‌కు మాత్రం అది ఏ రోజు ఎలాంటి హాని తలపట్టలేదు. మనిషిని చూడగానే చుట్టేసి, ఎముకలను పిప్పి చేసి మింగేసే అంత పెద్ద కొండ చిలువను పెంచుకోవడం డేంజర్ కదా అని చాలామంది అతడిని అడుగుతారు. ఇందుకు అతడు సమాధానం ఇస్తూ.. ‘‘నాకు పాములంటే చాలా ఇష్టం. వాటి మీద ప్రజలకు అవగాహన కూడా కల్పిస్తాను. ఇది నా దగ్గరకు వచ్చేసరికి చాలా చిన్నగా 8 ఇంచులు మాత్రమే ఉండేది. కానీ, అనూహ్యంగా 18 అడుగుల పొడవు పెరిగింది’’ అని తెలిపాడు.

Also Read: టచ్‌స్క్రీన్‌లోకి దూరిన పాము.. వీడియో వైరల్

మరి ఆహారం?: కొండ చిలువకు ఆకలిస్తే ఆమాంతంగా మనిషినే మిగేస్తుంది. మరి, అంత పెద్ద కొండ చిలువ ఆకలిని ఎలా తీరుస్తున్నారనే ప్రశ్నకు మార్కస్ స్పందిస్తూ.. ‘‘రోజు దానికి కుండేళ్లు, జింక, దుప్పి పిల్లలు, పందులను ఆహారంగా పెడుతుంటాను. వీటిని స్థానిక రైతులు సరఫరా చేస్తుంటారు. ఇది నెలకు ఒకసారి విసర్జిస్తుంది. దాన్నంతా పోగేస్తే ఒక బిగ్ బ్యాగ్ అంత ఉంటుంది’’ అని తెలిపాడు.

Also Read: ఫోన్ మాట్లాడుతూ పాములపై కూర్చున్న మహిళ, కాటు వేయడంతో..

మరి పిల్లలను మింగేయదా?: ఇంట్లో ఇద్దరు చిన్న పిల్లలు ఉన్నప్పుడు ఇలాంటి ప్రమాదకర జీవిని పెంచుకోవడం డేంజర్ కదా అనే ప్రశ్నకు బదులిస్తూ.. ‘‘అదీ నిజమే. అందుకే.. నా పిల్లలకు దీన్ని ఎప్పుడూ చూపించను. వారిని కూడా దీని దారిదాపుల్లోకి రాకుండా జాగ్రత్తపడతాను. అది హాని చేయదని తెలుసు. కానీ, అతి విశ్వాసంతో వదిలేసి ఊహించని ప్రమాదాన్ని కొనితెచ్చుకోవడం మంచిది కాదు. అది ప్రమాదకరం కాదని భావిస్తే.. నేను బాధ్యత తెలియని యజమాని కింద లెక్క’’ అని అన్నాడు. ప్రపంచంలో 18.8 అడుగుల కొండ చిలువే అతి పొడవైనది రికార్డుల్లో ఉందని, ఇటీవల హేస్క్సియే పొడవును కొలవగా 8 అడుగులు ఉందన్నాడు. త్వరలో ఇది మరింత పొడవు ఎదిగి.. ఆ రికార్డును బద్దలకొడుతుందని భావిస్తున్నానని తెలిపాడు.

వీడియో: