శవాన్ని రేప్ చేసి తినేయాలనే అతడి కోరిక విని ఓ తండ్రి తన 13 ఏళ్ల కూతురిని ఇచ్చేందుకు సిద్ధమయ్యాడు. ఆ తర్వాత ఏం జరిగిందో తెలిస్తే థ్రిల్లవుతారు.
Samayam Telugu8 Jan 2020, 10:52 pm
మనుషులను తినే మనుషులు ఉంటారనే సంగతి తెలిసిందే. కానీ, ఇండియాలో అఘోరాలు, దక్షిణాఫ్రికా తదితర దేశాల్లోని కొన్ని గిరిజన ప్రాంతాల్లో మనుషులను తినే సాంప్రదాయం ఉంది. అయితే, వాళ్లంతా చనిపోయిన శవాలను మాత్రమే తింటారు. ఎవరినీ చంపి తినరు. కానీ, ఉన్మాద ఆలోచనలతో రగిలిపోయే వ్యక్తులు మాత్రం మనుషులను చంపి తింటున్నారు. ఇప్పటికే పలువురు సీరియల్ కిల్లర్లు ఇలాంటి కిరాతకాలకు పాల్పడి వార్తల్లోకి ఎక్కారు. తాజాగా ఓ యువకుడు కూడా వారిని అనుసరించేందుకు ప్రయత్నించాడు. నరమాంసం రుచి చూడాలనే కోరికతో ప్లాన్ వేశాడు. చివరికి ఏం జరిగిందో తెలియాలంటే.. అతడి గురించి తెలుసుకోవల్సిందే.
నరమాంసం పిచ్చి..
అతడి పేరు అలగ్జాండర్ బార్టెర్. వయస్సు 23. అమెరికాలోని టెక్సాస్లో నివసిస్తున్నాడు. బయటకు చాలా అమాయకంగా కనపడే అతడిని చూస్తే ఎవరికైనా సరే జాలి కలుగుతుంది. కానీ, అతడి ఆలోచనల గురించి తెలిస్తే వెన్నులో వణుకు పుడుతుంది. ఎందుకంటే.. అతడికి ఎన్నాళ్ల నుంచో మనిషి మాంసాన్ని తినాలనే కోరిక ఉంది.
మనిషిని చంపి, శవాన్ని తినేందుకు ప్లాన్
అలగ్జాండర్కు మనిషిని చంపి తినాలనేది ఆశ. ముందుగా అత్యాచారం చేసి, ఆ తర్వాత చంపేయాలనేది అతడి ప్లాన్. ఆ తర్వాత శవాన్ని కూడా రేప్ చేసి ముక్కలుగా నరికి రుచి చూడాలని నిర్ణయించుకున్నాడు. మరి, ప్లాన్ అమలు చేయడం ఎలా? తాను కోరుకున్న లక్షణాల గల బాలిక ఎక్కడ దొరుకుతుంది?
వెబ్సైట్లో ప్రకటన..
అలగ్జాండర్కు మనుషులను బలవంతంగా ఎత్తుకెళ్లి చంపడం ఇష్టం లేదు. దీంతో ఓ వెబ్సైట్లో ఓ ప్రకటన ఇచ్చాడు. అందులో అతడి వివరాలేవీ బయట పడకుండా జాగ్రత్తపడ్డాడు. ‘‘నాకు శవంతో సెక్స్ చేసి, తినేయాలని ఉంది. ఒక ప్రాణం ఎలా పోతుందో చూడాలని ఉంది. మీరు అమెరికాలో ఉండి ఉంటే, మీకు నా చేతుల్లో చనిపోవాలని ఉంటే నన్ను సంప్రదించండి. ముఖ్యం దక్షిణ అమెరికాలో కారు నడుపుకుని రాగలిగే వ్యక్తులు నన్ను సంప్రదించండి’’ అని ఆ ప్రకటనలో పేర్కొన్నాడు.
నా కూతురిని చంపేయ్..
అతడి ప్రకటన చూసిన ఓ వ్యక్తి.. తనకు 13 ఏళ్ల కుమార్తె ఉందని, ఆమెను నీకు అప్పగిస్తానని అలగ్జాండర్ ప్రకటనకు రిప్లై ఇచ్చాడు. దీంతో అలగ్జాండర్ అతడి ఫోన్ నెంబరును అడిగి తీసుకున్నాడు. ఈ సందర్భంగా ఆ వ్యక్తి వివరాలు తీసుకున్నాడు.
బాలికను తీసుకెళ్లెందుకు ప్లాన్
ఫోన్లో ఆ వ్యక్తి చెప్పినట్లే అలగ్జాండర్ బయల్దేరాడు. బాలిక లభించగానే నిర్మానుష్య ప్రాంతానికి తీసుకెళ్లి చంపి, శవంపై అత్యాచారానికి పాల్పడి, తినేయాలని అనుకున్నాడు. ఈ సందర్భంగా తన కారులో కత్తి, శవాన్ని పెట్టేందుకు పెద్ద చెత్త సంచి తీసుకెళ్లాడు.
ఊహించని ట్విస్ట్..
టెక్సాస్లోని షెల్బేలో కౌంటీలో నా 13 ఏళ్ల కూతురితో వెయిట్ చేస్తున్నా.. నువ్వు త్వరగా వచ్చి తీసుకెళ్లు. ఎవరైనా అనుమానిస్తే ఇద్దరం బుక్కైపోతాం అంటూ ఆ వ్యక్తి గాబరాగా చెప్పడం విని అలగ్జాండర్ మరింత వేగంగా కారులో అక్కడికి చేరుకున్నాడు. కానీ, అతడికి ఊహించని షాక్ ఎదురైంది.
బాలిక స్థానంలో పోలీసులు
అలగ్జాండర్ అక్కడికి చేరుకోగానే పోలీసులు అతడిని చుట్టుముట్టారు. అరెస్టు చేసి జీపు ఎక్కించారు. దీంతో అలగ్జాండర్కు ఏం జరుగుతుందో కాసేపు అర్థం కాలేదు. ఆ ప్రకటన చూసి తనకు ఫోన్ చేసిన వ్యక్తి బాలిక తండ్రి కాదని, అండర్కవర్ ఆఫీసర్ అని తెలుసుకుని షాకయ్యాడు.
పోలీసులు ఇలా వలపన్నారు
వెబ్సైట్లో అలగ్జాండర్ చేసిన ప్రకటనపై కొందరు పోలీసులకు ఫిర్యాదు చేశారు. అతడు ఎవరినైనా హత్య చేసే అవకాశాలు ఉన్నాయని గ్రహించిన పోలీసులు.. వెంటనే స్పందించి అతడిని ముగ్గులోకి దింపారు. అండర్కవర్ ఆఫీసర్ 13 ఏళ్ల బాలికకు తండ్రిగా నటిస్తూ అలగ్జాండర్లో నమ్మకం కలిగించాడు. చివరికి వలపన్ని పోలీసులకు అప్పగించాడు.
అలగ్జాండర్ క్రూరమైన ఆలోచనలు విని కోర్టు సైతం ఆశ్చర్యపోయింది. అతడు బయట ఉంటే ప్రమాదకరమని భావించి 240 నెలలు అంటే.. 20 ఏళ్లు కారాగారా శిక్ష విధించింది. అతడి ప్రవర్తన, ఆలోచనలపై నిఘా ఉంచాలని పేర్కొంది. అతడిలో మార్పు కనిపించకపోతే శిక్ష 40 ఏళ్లకు పెరిగే అవకాశం ఉంది. పోలీసుల సత్వర స్పందన వల్ల నేరం జరగడానికి ముందే ఉన్మాదిని పట్టుకోవడం సాధ్యమైంది. లేకపోతే.. ఎన్ని ప్రాణాలు అతడి చేతిలో బలయ్యేవో!!
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.