వీడియో: బల్లిని నోట్లో పెట్టుకుని.. గాలి ఊది ప్రాణాలు కాపాడిన మందుబాబు

బల్లులు అప్పుడప్పుడు సాంబర్లో పడి సూసైడ్ చేసుకుంటాయనే సంగతి మనకు తెలిసిందే. ఒళ్లంతా విషాన్ని నింపుకున్న బల్లి.. తినే పదార్థాల్లో పడిందనే తెలియగానే వెంటనే వాటిని పడేస్తాం. ఆ ఆహారంలో చనిపోయిన బల్లి కనిపిస్తే.. వెంటనే దాన్ని పడేస్తాం. కానీ, ఆస్ట్రేలియాకు చెందిన ఓ వ్యక్తి బీరులో పడి చనిపోయిన బల్లికి మళ్లీ ప్రాణం పోశాడు. నమ్మబుద్ధి కావడం లేదా? అయితే, ఏం జరిగిందో చూడండి.

ఆస్ట్రేలియాలోని న్యూ సౌత్‌వేల్స్‌లో గల కోడిండీ బీచ్‌లో గల ఓ బార్‌లో బల్లి బీరులో పడింది. ఇది గమనించిన ఓ వ్యక్తి.. దాన్ని బయటకు తీశాడు. అది అప్పటికే ప్రాణం విడిచింది. దీంతో ఆ వ్యక్తి దాన్ని బతికించాలని నిర్ణయించకున్నాడు. తన వేలుతో దాని గుండెలపై నొక్కుతూ సీపీఆర్ చేశాడు. అప్పటికీ స్పందించకపోవడంతో దాని నోటిలో నోరు పెట్టి గాలి ఊదాడు. అంతే.. చనిపోయిందనుకున్న ఆ బల్లి మళ్లీ బతికేసింది. దీంతో ఆ వ్యక్తి చాలా సంతోషపడ్డాడు. ఈ వీడియో సోషల్ మీడియాలో వైరల్‌గా మారింది.

Also Read: ఆలయంలో 10 వేల మంది నగ్నంగా పూజలు .. ఈ వింత పండుగ ఎక్కడో తెలుసా?

అతడు నిజంగానే దాని ప్రాణాలను కాపాడాలని ఆ పని చేశాడో లేదా మందు ఎక్కువై సరదాగా ఆ పనిచేశాడో తెలీదుగానీ.. చనిపోయిన ఆ బల్లికి మళ్లీ ప్రాణం పోసినందుకు అందరి నుంచి ప్రశంసలు పొందుతున్నాడు. అయితే, బల్లి చనిపోయి ఉండకపోవచ్చని, అది అలా నటించి ఉండవచ్చని పలువురు వ్యాఖ్యానిస్తున్నారు. సాధారణంగా బల్లుల్లో ఆత్మరక్షణ వ్యవస్థ చురుగ్గా ఉంటుందని, శత్రువులు కనిపించినప్పుడు అవి చనిపోయినట్లు నటిస్తుంటాయని తెలుపుతున్నారు. శత్రువులు దాడి చేసినప్పుడు అవి తమ తోకను కూడా వదిలేస్తాయని, ఇది కూడా అలాంటిదే అని పేర్కొన్నారు. ఏది ఏమైనా, ఒళ్లు గగూర్పాటు కలిగింగే బల్లిని.. మరీ నోట్లో పెట్టుకుని ఊపిరి ఊదడమంటే.. కొంచెం కష్టమే కదూ!!

వీడియో:

Also Read: గోడ నుంచి రక్తం.. పై ఫ్లాట్‌కు వెళ్లి చూసిన యువకుడికి ఊహించని షాక్!