120 కిమీల వేగంతో ఆటోరిక్షా పరుగు.. వరల్డ్ రికార్డ్ బ్రేక్!

సాధారణంగా ఆటోరిక్షా (టుక్ టుక్) 80 కిమీల మించి వేగంగా నడపడం సాధ్యంకాదు. ఒక వేళ నడిపినా బ్యాలెన్స్ చేయడం కూడా కష్టమే. అయితే, యూకేకు చెందిన వాణిజ్యవేత్త ఆటోరిక్షా(టుక్ - టుక్)లో ఏకంగా గంటలకు సుమారు 120 కిమీల వేగంతో దూసుకెళ్లి ఔరా అనిపించాడు. గిన్నీస్ రికార్డులను బద్దలకొట్టాడు.

ఎస్సెక్స్‌కు చెందిన 46 ఏళ్ల మ్యాట్ ఎవెరార్డ్ ఇటీవల eBay నుంచి 3,000 పౌండ్స్ (రూ.2,72,432) వ్యయంతో ఆటోరిక్షాను కొనుగోలు చేశాడు. అనంతరం ఆటోకు ఉండే 350 సీసీ ఇంజిన్‌ను తొలగించి 1300 సీసీ ఇంజిన్‌ను ఏర్పాటుచేశాడు. అనంతరం ఎల్వింగ్టన్ ఎయిర్ ఫీల్డ్‌లో గిన్నీస్ వరల్డ్ రికార్డ్స్ అధికారుల సమక్షంలో ఆటోను నడిపాడు. గంటకు 119.583 కిమీల వేగంగా దూసుకెళ్లి.. గతంలో నమోదైన 110 kmph రికార్డును బద్దలకొట్టాడు.