అద్భుతం.. మూడు రూబిక్ క్యూబ్‌‌లను గాల్లో తిప్పుతూ పజిల్ పూర్తి చేశాడు

రూబిక్ క్యూబ్‌ పజిల్‌లో అన్ని రంగులను ఒకే చోటకు తీసుకురావడానికి మీకు ఎంత టైమ్ పడుతుంది? సుమారు 15 నిమిషాలు లేదా అంతకంటే ఎక్కువే కదూ. అయితే, కొందరు దీన్ని ఎంతో సులభంగా పూర్తి చేసేస్తుంటారు. చిన్న చిన్న కిటుకులతో అత్యంత వేగంగా పజిల్ పూర్తి చేసి ఆశ్చర్యపరుస్తారు. ఇటీవల చెన్నైకు చెందిన ఓ చిన్నారి కళ్లకు గంతలు కట్టుకుని 2.7 నిమిషాల్లో రూబిక్ క్యూబ్‌ను పూర్తి చేసి ఆశ్చర్యపరిచింది. ఇప్పుడు ఆమె పేరును గిన్నీస్ బుక్ ఆఫ్ వరల్డ్ రికార్డు కోసం పరిశీలిస్తున్నారు.

Also Read: ఛైర్ ఛాలెంజ్.. ఈ స్టంట్ కేవలం ఆడవాళ్లు మాత్రమే చేయగలరట! మీరూ ట్రై చేస్తారా?

ఇక తాజా వైరల్ వీడియో విషయానికి వస్తే.. థియో అనే ట్విట్టర్ యూజర్ ఇటీవల ఓ వీడియోను పోస్టు చేశాడు. ఇందులో ఓ వ్యక్తి మూడు రూబిక్ క్యూబ్‌లను ఒకేసారి పట్టుకున్నాడు. ఆ మూడింటిని గాల్లోకి ఎగరేస్తూ పజిల్‌ను పూర్తిచేశాడు. ఈ వీడియో చూస్తున్నంత సేపు మీరు ఆశ్చర్యంలో మునిగిపోతారు. మళ్లీ మళ్లీ ప్లే చేసి అతడు దాన్ని ఎలా పూర్తి చేశాడో చూడాలని అనుకుంటారు. ఈ వీడియోను ఇప్పటివరకు 7.7 మిలియన్ మంది వీక్షించారు. ఇంకెందుకు ఆలస్యం ఆ వీడియోపై మీరూ ఓ లుక్కేయండి మరి.

Also Read: ఫేస్‌బుక్‌లో అన్‌ఫ్రెండ్ చేసిందని.. చెల్లిని కాల్చి చంపిన అన్న