viral video: రైలు వస్తుంటే ఆమెను తోసేశాడు.. అంతలోనే అద్భుతం

మంచిని కోరుకునే వాళ్లు.. మంచి జరిగినప్పుడు ఆనందిస్తారు. అందుకే ఈ వీడియో నెటిజన్లకు నచ్చుతోంది. జనవరి 14న బెల్జియంలోని బ్రస్సెల్స్‌లో రద్దీగా ఉన్న మెట్రో స్టేషన్ లో జరిగిన ఘటన ఇది. ఏమైందంటే... ఓ ట్రైన్ వస్తున్న సమయంలో... ప్రయాణికులు... ట్రైన్ ఆగగానే ఎక్కాలి అని రెడీ అవుతున్నారు. ఓ 55 ఏళ్ల ముసలామె కూడా ప్లాట్ ఫామ్ పై రైలు కోసం ఎదురుచూస్తోంది. ఇంతలో ఎవరో ఆమెను వెనక నుంచి తోసేసి పారిపోయారు. దాంతో ఆమె గాల్లో ఎగురుతూ... వెళ్లి పట్టాలపై పడిపోయింది. పెద్దామె కదా లేవలేకపోయింది. అంతే ట్రైన్ వచ్చేసింది... అందరిలోనూ టెన్షన్. (old woman on railway track)

అప్పుడే అద్భుతం జరిగినట్లు... ముసలామెకు కొన్ని మీటర్ల దూరంలో ట్రైన్ సడెన్‌గా ఆగిపోయింది. సినిమాల్లో చూపిస్తారే... అచ్చం అలాగే రియల్‌గా జరిగింది. ఆ క్షణం వరకూ గుండె ఆగినంతపనైంది ఇతర ప్రయాణికులకు. ట్రైన్ ఆగగానే వాళ్లంతా ఊపిరి పీల్చుకున్నారు.

రోజియర్స్ మెట్రో స్టేషన్ (Rogiers Metro Station) దగ్గర జరిగిన ఈ ఘటనను అక్కడి సీసీటీవీ (cctv footage video) చక్కగా రికార్డ్ చేసింది. ట్రైన్ డ్రైవర్ సడెన్ బ్రేక్ వెయ్యడం వల్లే అది ఆగినట్లు తెలిసింది.

రైలు ఆగగానే... ఇద్దరు ప్రయాణికులు పట్టాలపైకి దూకి... పెద్దామెను కాపాడారు. ఆ తర్వాత మిగతా ప్రయాణికులు కూడా తలో చెయ్యీ వేసి ఆమెను ఆస్పత్రికి తరలించారు. లక్కీగా ఆమెకు పెద్ద గాయాలేవీ అవ్వలేదు. కాకపోతే... కొంత షాక్ లో ఉందట.

పేరు లేని రైల్వేస్టేషన్.. ఎందుకలా?.. ఎక్కడుందో తెలుసా?
ఆ వీడియో (viral train accident video)ని ఇక్కడ చూడండి

పారిపోయిన దుండగుడు:
పెద్దావిడ ప్రాణాలు తీసేందుకు యత్నించిన దుండగుడు పారిపోయాడు. పోలీసులు ఆ స్టేషన్ లోని అన్ని సీసీటీవీ ఫుటేజ్ లూ కలెక్ట్ చేసుకొని... అతన్ని గుర్తించారు. వేట మొదలుపెట్టారు. మర్నాడు అతను... డి బ్రౌకెరే మెట్రో స్టేషన్ దగ్గర కనిపించగానే అలర్టైన పోలీసులు.. కొన్ని నిమిషాల్లోనే అతన్ని పట్టుకున్నారు. అతని వయసు 23 సంవత్సరాలు అని తెలిపిన పోలీసులు సీసీటీవీ ఫుటేజ్ ఆధారంగా అతన్ని గుర్తించి అరెస్టు చేశామని తెలిపారు. అతనిపై హత్యాయత్నం కేసు నమోదు చేసినట్లు వివరించారు. వ్యక్తిగత సమస్యలతో చిరాకులో ఉన్న అతను... తన కోపాన్ని ఆమెపై చూపించాడని తెలిపారు.

viral video: జలపాతం దగ్గర లవ్ ప్రపోజల్.. అంతలోనే ఏమైందంటే...
"రైలుకి సడెన్ బ్రేక్ వేసిన మా మెట్రో డ్రైవర్ కూడా షాక్ లోకి వెళ్లారు. ఆయన్ని ఆస్పత్రికి తీసుకెళ్లాం" అని STIB ట్రాన్స్ పోర్టేషన్ కంపెనీ ప్రతినిధి తెలిపారు. మొత్తానికి ఈ ఘటనలో రైలు ప్రమాదం జరగకపోవడంతో నెటిజన్లు ఆనందం వ్యక్తం చేస్తున్నారు.