Man Turned A Car Into A Motorbike To Escape The Desert
ఎడారిలో బందీ, కారును బైకులా మార్చేసి.. ఇలా ప్రాణాలతో బయటపడ్డాడు!
ఎడారిలో చిక్కుకున్న అతడు.. అక్కడి నుంచి బయటపడటానికి తన కారును బైకులా మార్చేశాడు. అదెలా సాధ్యమైందో చూడండి.
Samayam Telugu19 Jul 2021, 12:42 pm
ఆపద ఎప్పుడు ఎలా వస్తుందో ఎవరికీ తెలియదు. అలాంటి సమయంలో భయపడతూ.. ఎవరో వస్తారో, సాయం చేస్తారని ఎదురు చూడకూడదు. కూల్గా ఆలోచించి బుర్రకు పదును పెడితే తప్పకుండా ఆపద నుంచి బయటపడవచ్చు. అయితే, దీనికి తగిన ఓర్పు, శ్రమ, చురుకుదనం తోడు కావాలి. ముఖ్యంగా.. ఏడారి వంటి ప్రమాదకర ప్రాంతంలో ఒంటరిగా చిక్కుకున్నప్పుడు.. బయటపడటం అంత సులభం కాదు. ఉదయం తీవ్రమైన ఉష్ణోగ్రత.. రాత్రి భరించలేని చలిని తట్టుకుని ప్రాణాలను కాపాడుకుంటూ భయపడేందుకు ప్రయత్నించాలి. ఫ్రెంచ్కు చెందిన ఓ వ్యక్తి చేసిన ఈ సాహసాన్ని చూస్తే తప్పకుండా మీరు ఆశ్చర్యపోతారు. కారులో ఎడారిలో షికారుకు వెళ్లిన అతడు.. ఊహించని విధంగా బంధీ అయ్యాడు. చివరికి ఓ ఆలోచన అతడిని బయటపడేసింది. వెళ్లేప్పుడు కారుపై ఎంత దర్జాగా వెళ్లాడో.. వచ్చేప్పుడు కూడా అంతే దర్జాగా తిరిగి వచ్చాడు. అయితే, కారు మీద కాదు.. బైకు మీద. అదేంటీ? కారుతో వెళ్లిన ఆ వ్యక్తికి ఆ ఎడారిలో బైక్ ఎలా దొరికింది? అనేగా మీ సందేహం? ఔను, అక్కడ అతడికి ఎలాంటి బైకు దొరకలేదు. అతడి కారే.. బైకులా మారిపోయింది. అదెలా సాధ్యమైందంటే... (Photo Credit: Emile Leray/AP)
ఎడారిలో షికారు.. దారి తప్పి, ప్రమాదం
అతడి పేరు ఎమిలీ లెరే. వయస్సు 43 ఏళ్లు. అతడు 1993లో తన Citroen 2CV కారులో మొరాకో ఎడారి ప్రాంతానికి కారులో షికారుకు వెళ్లాడు. ఎడారిలో నిర్మానుష్య ప్రాంతంలోకి చేరిన తర్వాత ఎమిలీ తెలివి తక్కువ పనిచేశాడు. తన స్నేహితులు చెప్పిన మార్గాన్ని కాకుండా రాళ్లు ఎక్కువగా ఉన్న ప్రాంతాన్ని ఎంచుకున్నాడు. ఆ ఏడాదిరికి దగ్గరలో ఉన్న పట్టణాన్ని దాటి కొన్ని మైళ్ల దూరం ప్రయాణించిన తర్వాత ఎమిలి అనుకోకుండా ప్రమాదంలో చిక్కుకున్నాడు. రాయిని బలంగా ఢీకొట్టాడు. ఫలితంగా కారు ముందు భాగంలో ఎక్సెల్ దెబ్బతింది. దీంతో అతడు ఓ పెద్ద రాతి కొండ మీద బందీ అయ్యాడు. అది జనసంచార ప్రాంతం కావడంతో.. ఎమిలీకి ఏం చేయాలో తోచలేదు. ఎడారిలో అంత దూరం నడుచుకుని వెళ్లడం సాధ్యం కాదని భావించాడు. అప్పుడే అతడికి ఓ చురుకైన ఆలోచన వచ్చింది. (Photo: Pixabay)
కారును బైకులా మార్చాలనుకున్నాడు
ఎమిలీ తన కారును బాగు చేసి తిరిగి వెళ్లిపోదాం అనుకున్నాడు. కానీ, సాధ్యం కాలేదు. విరిగిన ఎక్సెల్తో కారు ముందుకు కదలదు. పైగా ఆ గతుకుల మార్గంలో అది ముందుకు కదలదు. ఎమిలీ ఓ సాధారణ ఎలక్ట్రీషియన్, అతడికి కారు మెకానిజం గురించి అవగాహన ఉంది. దీంతో.. అతడు తన కారును బైకులా ఎందుకు మార్చకూడదు అని అనుకున్నాడు. ఈ ఆలోచన క్రేజీగానే ఉంది. కానీ, అది సాధ్యమేనా? ఒక బైకు తయారు చేయాలంటే చాలా పార్టులు అవసరం. అలాగే కారును పీకి బైకును తాయారు చేయాలంటే పరికరాలు కూడా కావాలి. వెల్డింగ్ మెషీన్ లేకపోతే పార్టులను అతికించడం కూడా సాధ్యం కాదు. ఇవన్నీ ఎమిలీకి కూడా తెలుసు. అయితే, ప్రయత్నిస్తే తప్పేంటని భావించాడు. (Photo: Pixabay)
ఒట్టి చేతులతో కారును పీకేందుకు నాలుగు రోజులు
ఎమిలీ క్రమేనా కారు భాగాలను పీకడం మొదలుపెట్టాడు. కారులో ఉన్న చిన్న చిన్న పరికరాలతోనే ఆ పని మొదలుపెట్టాడు. మొదటి రోజు కారులో పావు వంతు భాగాలను కూడా తీయలేకపోయాడు. పైగా ఆకలి అతడిని వేధించేది. తన వెంట తెచ్చుకున్న ఆహారం మరికొన్ని రోజులు రావాలి. దీంతో ఆహారాన్ని.. నీటిని కొద్ది కొద్దిగా తీసుకుంటూనే పని కొనసాగించాడు. రెండో రోజు పూర్తి సమయాన్ని కారును విప్పడానికే కేటాయించాడు. సగం పని పూర్తయ్యాయింది. నాలుగో రోజుకు దాదాపు కారును పూర్తిగా ఊడ పీకేశాడు. ఇప్పుడు అతడు బైకు తయారు చేయడమే తరువాయి. (Photo: Pixabay)
చివరికి.. కారును బైకుగా మార్చాడు
కారు నుంచి విడదీసిన భాగాలన్నీ ఒక చోట పేర్చుకున్నాడు. తర్వాత బైకు తయారికి అనువుగా ఉండే పార్టులను పక్కకి తీశాడు. లక్కీగా ముందు, వెనుక టైర్లను అనుసంధించేందుకు అతడికి కొన్ని పార్టులు దొరికాయి. ఇక ఇంజిన్ అనుసంధానించి దాన్ని బైకుగా తయారు చేయడమే తరువాయి. వాస్తవానికి బైకు తయారికి అవసరమైన పరికరాలేవీ ఎమిలీ టూల్ బాక్సులో లేవు. దీంతో అతడు ఒట్టి చేతులోతోనే బైకు తయారీకి శ్రీకారం చుట్టాడు. పార్టులను వెల్డింగుతో అనుసంధించడానికి బదులు.. కారులో ఉన్న వైర్లతో కడుతూ ఒక రూపం తెచ్చాడు. బరువైన కారు ఇంజిన్కు, ఇంధ ట్యాంకర్లను అమర్చాడు. ఆ తర్వాత స్టీరింగ్ రాడ్డును హ్యాండిల్గా మలుచుకున్నాడు. (Photo: Pixabay)
12 రోజులు 11 రాత్రులు కష్టపడి..
12 రోజులు.. 11 రాత్రులు కష్టపడి పనిచేసిన ఎమిలీ ఎట్టకేలకు ఆ కారుకు బైకు రూపం తెచ్చాడు. అయితే, అది బైకులా కనిపిస్తే సరిపోదు. స్టార్ట్ కూడా కావాలి. అంత కష్టపడిన ఎమిలీ ఈ విషయంలో విజయం సాధించాడు. తన తెలివి తేటలు ఉపయోగించి కిక్ లేకుండానే బైకును సెల్ఫ్ స్టార్ట్ అయ్యేలా తయారు చేశాడు. తన ప్రయోగం ఫలించడంతో ‘హమ్మయ్యా’ అనుకున్నాడు. తన కారు నెంబరు ప్లేటు తీసి.. బైకు వెనకలా తగిలించాడు. అన్ని రోజులు ధైర్యంగా గడిపిన ఎమిలీ ఆ ప్రాంతానికి వీడ్కోలు చెప్పే సమయం వచ్చింది. కారులోని విలువైన పత్రాలు తీసుకుని ఇంటికి తిరుగు ప్రయాణమయ్యాడు. అయితే, మార్గ మధ్యలో మరో చిన్న సమస్య వచ్చింది. (Emile Leray/AP).
కారు పత్రాలు చూపించి బైకు అంటావేంటీ?
మొత్తానికి ఎడారి నుంచి హైవే మీదకు చేరుకున్న ఎమిలీకి పోలీసుల నుంచి సమస్య ఎదురైంది. ‘మ్యాడ్ మ్యాక్స్’ సినిమాలోని వాహనాన్ని తలపించేలా ఉన్న అతడి బైకును చూసి పోలీసులు ఆశ్చర్యపోయారు. పత్రాలు చూపించాలని అడిగారు. దీంతో ఎమిలీ తన వద్ద కారు పత్రాలను చూపించాడు. ఇదేంటీ? ఇవి కారు పత్రాలను బైకుకు చూపిస్తున్నావు? జరిమానా కట్టు అన్నారు. ఆ ఎడారిలో ఎమిలీ వద్ద ఆహారం, నీళ్లు మాత్రమే అడుగంటాయి. డబ్బులు మాత్రం అలాగే ఉన్నాయి. దీంతో తాపీగా ఆ డబ్బును జరిమానాగా కట్టేసి.. రసీదు తీసుకుని ఇంటికి చేరుకున్నాడు. చూశారుగా.. ఎమిలీ ధైర్యం. మీలో కూడా తెలియని టాలెంట్ లోపల దాగి ఉంటుంది. ఆపద సమయంలోనే అది బయటకు వస్తుంది. ఈసారి ఎప్పుడైనా ఆపదలో చిక్కుకుంటే భయపడకండి. తెలివిగా తప్పించుకొనే ప్రయత్నం చేయండి. ఎమిలీ బైకు ఇప్పటికీ భద్రంగానే ఉంది. అది ఎలా పనిచేస్తుందనేది కింద వీడియోలో చూడండి. తప్పకుండా మీరు మీ కళ్లను నమ్మలేరు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.