సింహానికి ఆహారంగా ఎలక్ట్రీషియన్.. కూలీ అడిగినందుకు శిక్ష!

ఓ ఎలక్ట్రీషియన్ తనకు రావల్సిన కూలి డబ్బులు అడిగినందుకు ఓ వ్యక్తి దారుణంగా ప్రవర్తించాడు. బోనులో ఉన్న సింహాన్ని వదిలి.. అతడిని చంపాలని చూశాడు. ఆలస్యంగా వెలుగులోకి వచ్చిన ఈ దారుణ ఘటన పాకిస్థాన్‌లో చోటుచేసుకుంది. లాహోర్‌లో నివసిస్తున్న ఆలి రాజా ఓ సింహాన్ని ఇంట్లోనే పెంచుకుంటున్నాడు.

ఇటీవల ఎలక్ట్రీషియన్ మహమ్మద్ రఫీక్‌ను ఇంటికి పిలిచి కొన్ని పనులు చేయించుకున్నాడు. డబ్బులు తర్వాత ఇస్తానని చెప్పి పంపేశాడు. ఎన్ని రోజులైనా ఆలి డబ్బులు ఇవ్వకపోవడంతో రఫీక్ విసుగుపోయాడు.

Read also: బెంగాలీ ఫస్ట్‌నైట్.. ‘కాళరాత్రి’ పేరుతో తొలిరాత్రి, కొత్త జంటను వేరుచేసే వింత ఆచారం

సెప్టెంబరు 9న రఫీక్ మరోసారి ఆలీ ఇంటికి వెళ్లి తన డబ్బులు ఇవ్వాలని డిమాండ్ చేశాడు. ఇవ్వకపోతే అక్కడి నుంచి కదిలేది లేదని భీష్మించుకుని కూర్చున్నాడు. దీంతో ఆలీ అతని ఇంట్లోని సింహాన్ని అతడిపైకి విడిచిపెట్టాడు. అది రఫీక్‌ను చంపేందుకు ప్రయత్నిస్తున్నా ఆలీ స్పందించలేదు. రఫీక్ అరుపులు విని స్థానికులు అక్కడికి చేరడంతో ఆలీ సింహాన్ని ఇంట్లోకి తీసుకెళ్లాడు. రఫిక్‌ను ఆసుపత్రిలో చేర్చాడు.

Read also: దేశమంతా తిప్పుతూ.. బాలికపై 500 మందికిపైగా అత్యాచారం!

కూలీ డబ్బులతోపాటు వైద్యానికి అయ్యే ఖర్చులన్నీ తానే భరిస్తానని చెప్పడంతో రఫీక్.. ఆలీపై పోలీసులకు ఫిర్యాదు చేయలేదు. ఆలీ ఇచ్చిన మాట తప్పడంతో రఫీక్ శనివారం పోలీసులను ఆశ్రయించాడు. డబ్బులు అడిగినందుకు ఆలీ తన సింహంతో చంపించి.. ఆహారంగా పెట్టాలని చూశాడని తెలిపాడు. పోలీసులు ఆలీపై హత్యాయత్నం కేసు నమోదు చేసింది.