వీడెవడండీ బాబు.. దొంగతనం చేయకుండా ఇంటి యజమాని కాళ్లు నాకిన దొంగ!

ఇంట్లోకి చొరబడిన దొంగ.. బుద్ధిగా డబ్బు, నగలు, విలువైన వస్తువులను దొంగిలించి వెళ్లిపోవాలి. కానీ, ఈ దొంగకు అదేం బుద్ధో.. మంచం మీద నిద్రపోతున్న యజమాని కాళ్ల వేళ్లను నాకాడు. దీంతో ఉలిక్కిపడి లేచిన యజమాని.. ఎదురుగా తన కాళ్లను ఐస్‌క్రీమ్‌లా చప్పరిస్తున్న దొంగను చూసి షాకయ్యాడు. ఈ చిత్రమైన ఘటన ఫ్లొరిడాలోని బ్రాడెన్టాన్‌లో చోటుచేసుకుంది.

20 ఏళ్ల యువకుడు ఇంట్లో నిద్రపోతుండగా.. కాళ్లపై ఏదో పాకుతున్నట్లు అనిపించి ఉలిక్కిపడి లేచాడు. కళ్ల ముందు ఓ దొంగ అతడి కాళ్ల వేళ్లను నాకడం చూసి ఆశ్చర్యపోయాడు. గట్టిగా కేకలు వేయబోతుండంగా.. తాను కాళ్ల వేళ్లను నాకేందుకు మాత్రమే వచ్చానని, డబ్బులు కోసం కాదని దొంగ చెప్పాడు. కేకలు వేస్తే తన ఫ్యాంటులో ఉన్న గన్ తీసి కాల్చేస్తానని, వృషణాలను నలిపేస్తానని దొంగ అతడికి వార్నింగ్ ఇచ్చాడు. అనంతరం బాధితుడిని పక్కకు గెంటేసి ఇంటి నుంచి ఉడాయించాడు.

Watch Funny Video: వీడియో: పెళ్లిలో విసిగించిన అతిథి.. వేదికపైనే చితకబాదిన వరుడు

ఈ సమాచారం అందుకున్న పోలీసులు బాధితుడి ఇల్లు పరిశీలించారు. ఆ ఇంట్లో ఎలాంటి విలువైన వస్తువును దొంగిలించలేదని తెలుసుకున్నారు. వెళ్తూ వెళ్తూ ఆ దొంగ.. బాధితుడి కారు అద్దాలను పగలగొట్టాడు. పోలీసులు జాగిలాలతో ఆ దొంగ ఆచూకీ కనుగొనే ప్రయత్నం చేస్తున్నారు. అలాగే బాధితుడి కాళ్ల మీద ఉన్న దొంగ లాలాజలాన్ని సేకరించి డీఎన్ఏ టెస్టు చేస్తున్నారు. అయినా, ఆ దొంగకు ఇదేం పాడు అలవాటండి బాబు!!

Also Read: పంటిలో ఇరుక్కున్న పాప్‌కార్న్.. గుండెకు సర్జరీ చేసిన వైద్యులు