‘కరోనా’ కుర్రాడు.. టిక్‌టాక్ పాప, డ్రోనుతో మొదలైన డేటింగ్ కథ.. బెలూన్‌లో షికారు!

అసలే ఇది కరోనా టైమ్. ఈ సమయంలో కూడా అమ్మాయిలతో పులిహోర కలపడానికి ప్రయత్నిస్తే.. కక్కుర్తిగాడు అనే బ్రాండ్ వేసేస్తారేమోనని చాలామంది కుర్రాళ్లు నిగ్రహంతోనే ఇంట్లో బుద్ధిగా కుర్చుంటున్నారు. ఇంకొందరు రోడ్లపైకి వెళ్లి పోలీసులతో కుమ్మించుకుని .. దెబ్బలకు వెన్న రాసుకుంటూ విశ్రాంతి తీసుకుంటున్నారు. ఇక ప్లేబాయ్‌లకైతే ఎలాగో మొబైల్ ఫోన్ ఉంది కదా. ఏ ఫేస్‌‌బుక్‌లోనో, వాట్సాప్‌లోనే ఎవరో ఒకరితో పులిహోరా, మేగీ నూడుల్స్ కలిపేస్తే టైంపాస్ చేసేస్తుంటారు. అయితే, ఈ యువకుడు మాత్రం.. ఎదురింటి పాపనే పడేశాడు. అది కూడా డ్రోన్ సాయంతో. మీలో చాలామందికి కొద్ది రోజుల కిందట ఇతడి గురించి ‘సమయం’లో వార్తను చూసే ఉంటారు.