విష సర్పాలతో ప్రేమలో పడ్డాడు.. 72 గంటలు వాటితోనే డేటింగ్!

ఒక పామును చూస్తేనే మనం భయంతో వణికిపోతాం. కొందరైతే.. అది మనల్ని ఏమైనా చేసేస్తుందేమో అనే భయంతో చంపేస్తారు. అయితే, ఇండియాకు చెందిన నీలం కుమార్ ఖైర్ అనే వ్యక్తి.. ఏకంగా 72 విషసర్పాలతో 72 గంటలు గడిపి అందరినీ ఆశ్చర్యపరిచాడు. పాములను మనం ఏమైనే చేస్తేనే.. అవి మనల్ని కాటు వేస్తాయని, లేకపోతే అవి మనల్ని ఏమీ చేయవని నిరూపించడానికే ఈ సాహసం చేశానని నీలం తెలిపారు. అంతేకాదు.. ఈ ఘనత ఇప్పుడు గిన్నీస్ బుక్ ఆఫ్ వరల్డ్ రికార్డులో సైతం నమోదైంది.
భర్త మెడకు చైను కట్టి.. కుక్కలా రోడ్డుపై నడిపించిన భార్యఈ సాహసం ఇప్పటిది కాదు.. 1982లో చోటుచేసుకుంది. పుణెకు చెందిన నీలం 28 ఏళ్ల వయస్సులోనే ప్రేమలో పడ్డాడు. అవి కనిపిస్తే.. ప్రజలు చంపేయడం నీలంకు అస్సలు ఇష్టం ఉండేది కాదు. దీంతో ప్రజల్లో అవగాహన కల్పించేందుకు నీలం కుమార్ కంకణం కట్టుకున్నాడు. విష సర్పాలతో నిండిన గాజు చాంబర్‌లో ఎలాంటి ఆయుధాలు లేకుండా ఒంటరిగా మూడు రోజులు గడిపాడు. ఈ సందర్భంగా పాములు అతడి మీదకు ఎక్కేవి. అయితే, అతడు వాటిని ఎంతో జాగ్రత్తగా పట్టుకుని కిందపెడ్టేవాడు. 72 గంటల్లో ఒక్క పాము కూడా నీలం కుమార్‌ను కాటేయకపోవడం గమనార్హం.
నీలం సాహసం గిన్నీస్ వరల్డ్ రికార్డుల్లో కూడా నమోదైంది. ఆ తర్వాత అతడు అతడు పుణె మున్సిపల్ కార్పొరేషన్ సహకారంతో 1982లో కాట్రాజ్ స్నేక్ పార్క్‌ను నిర్మించాడు. ఇప్పుడు ఆ పార్క్‌.. రాజీవ్‌ గాంధీ జూలాజికల్ పార్క్‌గా అభివృద్ధి చేశారు. నీలం కుమార్ ఇప్పుడు జంతువుల అనాథ శరణాలయాన్ని కూడా మొదలుపెట్టాడు. చూశారుగా.. మీకు పాములు కనిపిస్తే వెంటనే చంపేయకండి. పాములను పట్టుకొనే వ్యక్తులకు సమాచారం ఇవ్వండి.

వీడియో: