కూల్ డ్రింక్సే అతడి ఆహారం.. చివరికి చెయ్యి కుళ్లిపోయి ఆస్పత్రిపాలు!

ఓ వ్యక్తి కూల్ డ్రింకులకు బానిసై ఆహారం తినడం మానేశాడు. ఫలితంగా అతడి కుడి చేయి ఊడిపడియేంతగా కుళ్లిపోయింది. ఈ ఘటన మలేషియా రాజధాని కౌలలాంపూర్‌లో చోటుచేసుకుంది. మహ్మద్ రజీన్ అనే వ్యక్తి కూల్ డ్రింక్ కనపడితే చాలు వదిలిపెట్టేవాడే కాదు. ఆహారం కంటే ఎక్కువగా డ్రింకులను మాత్రమే తాగుతూ కూర్చునేవాడు.

Read also: కంటిలోకి దూసుకెళ్లిన కుక్కర్ విజిల్.. బాధతో విలవిల్లాడిన మహిళ

ఇటీవల అతడి కుడి భుజం వద్ద బాగా నొప్పిగా ఉండటంతో వైద్యులను సంప్రదించాడు. దీంతో వైద్యులు అతడికి మధుమేహం (డయబెటీస్) ఉన్నట్లు నిర్ధరించారు. అయితే, అప్పటికీ రజీన్ డ్రింకులు తాగడం మానలేదు. వాటిలో తీపి ఎక్కువగా ఉండటం వల్ల అతడి కుడి భుజం దాదాపు కుళ్లిపోయి.. ఊడిపోయే పరిస్థితికి చేరుకుంది. దీంతో అత్యవసర పరిస్థితుల్లో రజీన్‌ను హాస్పిటల్‌లో చేర్చారు.

Read also: మహిళ చెవిలో మొలిచిన పుట్టగొడుగులు.. షాకైన వైద్యులు

భుజం కుళ్లిపోయి పుండులా తయారయ్యే వరకు చికిత్స ఎందుకు చేయించుకోలేదనేది తెలియరాలేదు. అతడిని పరీక్షించిన వైద్యులు చర్మం, ఎముక కింది భాగం బాగా పాడైపోయిందని, కొద్ది రోజులు అలాగే వదిలేస్తే చేయి శరీరం నుంచి వేరయ్యేదని తెలిపారు. చెడిపోయిన చర్మాన్ని తొలగించి.. ఇన్ఫెక్షన్‌కు గురైన ప్రాంతంలోని చీమును తొలగించారు. ఇకపై తీపి తినొద్దని వైద్యులు బాధితుడికి సూచించారు.