ముక్కులో పెరిగిన దంతం, 20 ఏళ్ల తర్వాత వెలికితీసిన వైద్యులు

దంతాలు ఎక్కడ ఉంటాయి? అని ఎవరైనా మిమ్మల్ని ప్రశ్నిస్తే.. మీరు వెంటనే ‘‘అదేం పచ్చి ప్రశ్న దంతాలు అందరికీ నోట్లేనే ఉంటాయి’’ అని సమాధానం చెబుతారు. కానీ, ఇదే ప్రశ్న ఆ వ్యక్తిని అడిగితే.. ‘‘ముక్కులో కూడా ఉండొచ్చు’’ అని సమాధానం చెబుతాడు. ఔను.. నిజం! అతడికి ముక్కులో పన్ను మొలిచింది. వైద్యుడిని సంప్రదించే వరకు ఈ విషయం అతనికి కూడా తెలీదు.

చైనాకు చెందిన ఝాంగ్ బిన్షెంగ్ (30) గత మూడు నెలలుగా ముక్కు నొప్పితో బాధపడుతున్నాడు. ఊపిరి తీసుకోవడానికి ఇబ్బందిగా ఉండటంతో వైద్యులను సంప్రదించాడు. దీంతో వైద్యులు అతడి ముక్కుకు ఎక్స్‌రే చేశారు. అతడి ముక్కులో పెద్ద గడ్డను కనుగొన్నారు. దాన్నీ లోతుగా పరీక్షించి.. అక్కడ దంతం మొలుస్తున్నట్లు తెలుసుకున్నారు. దీంతో వైద్యులు 30 నిమిషాలు సర్జరీ చేసి ఆ పంటిని తొలగించారు. అది ఒక సెంటీ మీటరు పొడవు ఉన్నట్లు తెలిపారు.

Also Read: నువ్వు దేవుడు సామీ.. ఉద్యోగుల జీతాన్ని ఒకేసారి రూ.7 లక్షలకు పెంచిన బాస్!

అదెలా సాధ్యం?: ముక్కులో పన్ను మొలవడం అంటే నిజంగా చిత్రమే. అయితే, అది అతడి నోటిలోని పన్నేనని వైద్యులు తెలిపారు. ఝాంగ్‌కు పదేళ్ల వయస్సు ఉన్నప్పుడు ఓ షాపింగ్ మాల్‌లోని మూడో అంతస్తు నుంచి కిందపడ్డాడు. ఈ సందర్భంగా అతడి దంతాలు ఉడాయి. అదే సమయంలో ఓ పన్ను ముక్కులోకి చొచ్చుకెళ్లింది. అది క్రమేనా అక్కడే పెరగడం మొదలైంది. ప్రస్తుతం ఝాంగ్ కోలుకుంటున్నట్లు వైద్యులు తెలిపారు.

Also Read: రూపాయికే కిలో చేపలు.. వ్యాపారి బంపర్ ఆఫర్‌కు పోటెత్తిన జనం!

ముక్కులో పన్ను పెరగడం చాలా అరుదైన విషయం అని, ప్రపంచంలో కేవలం 0.1% మంది ప్రజలకు మాత్రమే ఇలాంటి సమస్య ఏర్పడే అవకాశం ఉంటుందని వైద్య నిపుణులు తెలిపారు. మెడికల్ రికార్డుల ప్రకారం.. 1959 నుంచి 2008 మధ్య 23 కేసులు నమోదయ్యాయని పేర్కొన్నారు.