అతడితో ట్రావెల్ చేస్తూ ఫొటోలు తీస్తే.. నెలకు రూ.26.6 లక్షల జీతం! మీరు సిద్ధమేనా?

ప్రపంచమంతా తిరుగుతూ.. పెద్దగా కష్టపడకుండా, మాంచి జీతాన్ని అందుకుంటూ లైఫ్‌లో సెటిల్ కావాలని అనుకుంటున్నారా? అయితే, మీ కోసం ఓ డ్రీమ్ జాబ్ ఎదురుచూస్తోంది. ఆస్ట్రేలియాకు చెందిన మిలీనియర్, ఎకామ్ వారియర్ అకాడమీ వ్యవస్థాపకుడు మాథ్యూ లెప్రే ఇటీవలే పర్శనల్ అసిస్టెంట్‌ను నియమించుకున్నారు. తాజాగా ఆయన పర్శనల్ ఫొటోగ్రాఫర్‌ కోసం వెతుకుతున్నారు. ఈ ఉద్యోగానికి ఎంపికయ్యే ఫొటోగ్రాఫర్‌కు నెలకు 37,600 డాలర్లు (రూ.26.6 లక్షలు) జీతం చెల్లిస్తారు.

ఈ ఉద్యోగం చేయడం పెద్ద కష్టమేమీ కాదు. కానీ, ఎక్కువగా ట్రావెల్ చేయాల్సి వస్తుంది. లెప్రె ఇటీవల మీడియాతో మాట్లాడుతూ.. ‘‘నేను ఐరోపా, అమెరికా దేశాల్లో తిరుగుతాను. నాకు ఫొటోలు తీసేందుకు ఒక ఫొటోగ్రాఫర్ కావాలి. ఈ ఉద్యోగానికి ఎంపికయ్యే ఫొటోగ్రాఫర్.. ఆ ఫొటోలను వివిధ సోషల్ మీడియా అకౌంట్లలో ఆ ఫొటోలను అప్‌లోడ్ చేయడం కూడా తెలిసుండాలి’’ అని తెలిపారు.

Also Read: ప్రాణం తీసిన ‘ముద్దు’.. కాళ్లు చచ్చుబడి, మెదడు దెబ్బతిని యువతి మృతి, కారణం ఇదే!

‘‘ఈ ఉద్యోగానికి దరఖాస్తు చేసుకునే వ్యక్తులకు తప్పకుండా పాస్‌పోర్ట్ ఉండాలి. ఈ జాబ్ చేసే వ్యక్తి మాలో ఒకడిగా మారిపోవాలి. నా క్రేజీ షెడ్యూల్‌ను ఫాలో కావాలి. ఎప్పుడైనా, ఎక్కడికైనా సరే నాతో పాటు వచ్చేయడానికి సిద్ధంగా ఉండాలి. అతడికి తప్పకుండా సొంత కెమేరా ఉండాలి. వసతి, ట్రావెల్ ఖర్చులను మాత్రం నేనే భరిస్తా’’ అని లెప్రే వివరించారు. ఇప్పటివరకు లిప్రే బెస్ట్ ఫ్రెండ్ మిట్చ్ మాత్రమే ట్రావెల్ ఫొటోలు తీసేవాడు. లెప్రే ఇప్పుడు తన బిజినెస్‌ను విస్తరించి.. మిట్చ్‌కు కొన్ని బాధ్యతలు అప్పగించారు. లెప్రె ప్రకటించిన ఉద్యోగానికి ప్రపంచంలో ఎవరైనా సరే అర్హులే. మరి ఇంకెందుకు ఆలస్యం వెంటనే దరఖాస్తు చేసుకోండి.

Also Read: దోమలను పెంచే ఏకైక దేశం ఇది.. కారణం తెలిస్తే మెచ్చుకుంటారు!