నది అడుగున కారు.. అందులో శవం.. 12 ఏళ్ల మిస్టరీ ఇలా వీడింది!

Orengon: ఓ వ్యక్తి 12 ఏళ్లుగా కనిపించడం లేదు. అతడి కోసం కుటుంబికులు ఎంతో కలవరపడ్డారు. పోలీసులు సైతం అతడి గాలించారు. ఆచూకీ తెలియకపోవడంతో చేతులెత్తేశారు. ఇది జరిగి సుమారు 12 ఏళ్లు అవుతోంది. అయితే, ఊహించని విధంగా మిస్టరీ వీడింది. కనిపించకుండా పోయిన ఆ వ్యక్తి ఆచూకీ లభించింది. అతడు ప్రయాణించిన కారు ఓ నదిలో కనిపించింది. అందులోనే అతడి శవం కూడా ఉంది.

నదిని శుభ్రం చేస్తుంటే..: ‘అడ్వాంచెర్స్ విత్ పర్పస్’ అనే యూట్యూబ్ చానెల్ నిర్వాహకులు పర్యవరణ పరిరక్షణ కోసం సాహసాలు చేస్తుంటారు. వీరు చేసే ప్రతి కార్యక్రమాన్ని లైవ్‌లో ప్రసారం చేస్తుంటారు. ఇందులో భాగంగా అమెరికాలోని ఒరెగాన్‌లో గల విల్లమెట్టే నదిని శుభ్రం చేయాలని నిర్ణయించుకున్నారు. ఈ సందర్భంగా నది అడుగున ఉండే వ్యర్థాలను తొలగించేందుకు డైవింగ్ చేశారు.

నదిలో 72 అడుగుల కిందకు చేరిన తర్వాత పెద్ద వస్తువు ఏదో కనిపించింది. దగ్గరకు వెళ్లి చూడగా అది కారు. నాచు పట్టేసిన అద్దాలను తుడిచి చూస్తే.. లోపల శవం కనిపించింది. వెంటనే వారు నది నుంచి బయటకు వచ్చి పోలీసులకు సమాచారం అందించారు. పోలీసుల అనుమతితో ఆ కారును బయటకు తీశారు. కారు నెంబరు ఆధారంగా పోలీసులు అందులో ఉన్న శవాన్ని గుర్తించారు.

Read Also: సీఎంపై నిరసన.. చిరిగిన జీన్స్ ఫ్యాంట్ ఫొటోలతో మహిళలు రచ్చ, ఇవిగో సిత్రాలు!

అతడు ఒరెగాన్‌కు చెందిన టిమోతీ ఎడ్వర్డ్ రాబిన్సన్(56) అని తెలిసింది. 2008, నవంబరు 26న తన సిల్వర్ కలర్ మజ్దా సీడన్ కారులో బయటకు బయల్దేరాడు. ఆ తర్వాత మళ్లీ ఇంటికి తిరిగి రాలేదు. అప్పటి నుంచి పోలీసులు అతడి కోసం అన్వేషిస్తూనే ఉన్నారు. దీంతో అతడిని ఎవరైనా హత్య చేశారా? లేదా ఏదైనా ప్రమాదంలో చిక్కుకున్నారా అనేది మిస్టరీగా మారింది.
ఓర్ని.. ‘అక్కడ’ కొక్కెం తగిలించుకుని బంగీ జంప్.. ఉందా? ఊడిందా?ఎట్టకేలకు ఆ యూట్యూబ్ చానెల్ లైవ్ వల్ల అతడి ఆచూకీ తెలిసింది. దీంతో టిమోతీ కుటుంబికులు ఆ యూట్యూబ్ చానెల్‌కు ధన్యవాదాలు తెలుపుకున్నారు. ఎన్నాళ్లు అతడు ఏమయ్యాడో తెలియక అయోమయంలో ఉన్నామని తెలిపారు. ఏదో ఒక రోజు ఇంటికి తిరిగివస్తాడని ఎదురుచూశామని, కానీ ఈ విధంగా అతడిని చూడాల్సి వస్తుందని అనుకోలేదని విలపించారు. నది అడుగున ఉన్న కారును వెలికి తీస్తున్న దృశ్యాన్ని ఈ కింది వీడియోలో చూడండి.

వీడియో: