viral video: కోతి చేతిలో కత్తి.. పదునుపెడుతూ హంగామా.. హడలెత్తిన ప్రజలు

ఈ విచిత్రమైన, భయంకరమైన ఘటన బ్రెజిల్... పియావుల్‌ మున్సిపాలిటీలో జూన్ 24, 2022న జరిగింది. ఓ కోతి... కొర్రెంటే వాణిజ్య భవనం పైకి ఎక్కి... భారీ మాంసం కత్తిని చేతిలో పట్టుకొని తిరిగింది. మధ్యమధ్యలో దాన్ని గోడకు రాస్తూ షార్ప్ చేస్తోంది. మనుషులు ఎలా పదును పెడతారో... అలాగే అది కూడా చేసింది. బాల్కనీపై ఉన్న ఆ కోతిని చూసి స్థానికులు అవాక్కయ్యారు. "వామ్మో కోతి చేతిలో ఆ కత్తేంటి? అది ఎక్కడి నుంచి తెచ్చుకుంది? అరే.. పదును కూడా పెడుతోందే... ఇప్పుడు అది ఆ కత్తితో ఏం చేస్తుందో ఏమో" అని హడలిపోయారు. (monkey sharpening the knife)

కొంతమంది ఆ కోతిని చూసి వెంటనే తమ మొబైళ్లలోని కమెరాలను ఆన్ చేసి ఫొటోలు, వీడియోలూ తీశారు. ఆ కోతికి సంబంధించిన వీడియో ఇప్పుడు సోషల్ మీడియాలో వైరల్ అయ్యింది. ట్విట్టర్‌లోని @Metropoles అకౌంట్‌లో దీన్ని జూన్ 23, 2022న పోస్ట్ చెయ్యగా... ఇప్పటివరకూ 27వేల మందికి పైగా చూశారు. 565 మంది లైక్ చేశారు. చాలా మంది అది కత్తితో ఏం చేసిందని అడుగుతున్నారు. (Knife in monkey hand)

కొంతమంది వ్యక్తులు ఆ కోతిని గుర్తు పట్టారు. "అది వారం నుంచి ఇక్కడిక్కడే తిరుగుతోంది. సబ్బులు, బిస్కెట్ ప్యాకెట్లు, బట్టలూ ఎత్తుకుపోతోంది. దీనితో పెద్ద చిక్కొచ్చిపడింది" అని స్థానికుడు అలెస్సాండ్రో గ్యుయెర్రా తెలిపారు. "ఆ కోతి చేసే పనులు టెన్షన్ పెట్టిస్తున్నాయి. అలాగే నవ్వు కూడా తెప్పిస్తున్నాయి" అని మరో స్థానికుడు తెలిపారు. (monkey menace in brazil)
Bed on Wheels: చక్రాల బెడ్ చేసుకున్నాడు.. ఊరంతా నిద్రపోతున్నాడు
ఆ వీడియోని ఇక్కడ చూడండి (viral video)

దీనిపై ఎన్విరాన్‌మెంటల్ పోలీస్ బెటాలియన్‌కి స్థానికులు కంప్లైంట్ ఇచ్చారు. వారి ద్వారా విషయం తెలుసుకున్న జంతు రక్షణ ఏజెంట్లు రంగంలోకి దిగారు. రకరకాలుగా ప్రయత్నించి.. చివరకు కోతిని బంధించారు. కత్తిని దాని నుంచి లాక్కున్నారు.
Guinness World Record: బోటులో ప్రపంచాన్ని చుట్టేసిన దివ్యాంగుడు.. గిన్నీస్ రికార్డ్

ఆ కోతిని జంతు పునరావాస కేంద్రానికి తరలిస్తామని అధికారులు తెలిపారు. కొన్నాళ్ల తర్వాత దాన్ని తిరిగి అడవుల్లో వదిలేస్తామని చెప్పారు. ఐతే.. ఓ ఆశ్చర్యకరమైన విషయాన్ని అధికారులు తెలిపారు. ఆ కోతిని ఎవరో పెంచుకుంటున్నారనీ... అందుకే అది మనుషుల లాగా ప్రవర్తిస్తోందని చెప్పారు. ఆ ఓనర్ ఎవరన్నది తెలియలేదన్నారు. "ఆ కోతి మనుషుల దగ్గరకు రావడమే కాదు.. వారి ఒళ్లో కుర్చుంటోందని కొంతమంది మాకు తెలిపారు" అని ఓ అధికారి చెప్పారు. ఏమైతేనేం.. హడలెత్తించిన కోతిని బంధించడంతో స్థానికులు ఊపిరి పీల్చుకున్నారు.