Monkey Attack video : వామ్మో కోతి.. పాపను ఎత్తుకుపోతోందిగా..

Monkey Attack video : ఓ ఇంటి దగ్గర కొందరు పిల్లలు ఆడుకుంటున్నారు. ఇంతలో ఎక్కడి నుంచి వచ్చిందో గానీ... ఓ పెద్ద కోతి అక్కడికి వచ్చింది. వచ్చీ రాగానే... డైరెక్టుగా పిల్లల దగ్గరకే వెళ్లింది. దాన్ని చూడగానే వామ్మో కోతి అనుకుంటూ ముగ్గురు పిల్లలు అక్కడి నుంచి పారిపోయారు. కానీ వాళ్లు ఓ పసిపాపను అక్కడే వదిలేశారు. అంతే ఆ కోతి రెచ్చిపోయింది. ఆ పాపను ఎలాగైనా ఎత్తుకుపోవాలని ఈడ్చుకెళ్లడం మొదలుపెట్టింది. అలా బరబరా ఈడ్చుతుంటే... ఆ చిన్నారి ఏం చెయ్యగలదు.. ఏడవడం తప్ప. బోరున ఏడ్వసాగింది. ఆ ఏడుపు ఇంట్లో వారికి వినిపించింది. వెంటనే తల్లు పరుగున వచ్చి... బేబీని కోతి నుంచి వెనక్కి తీసుకునేందుకు ప్రయత్నించింది. అయినా వానరం వదిలితేగా.. మరింత రెచ్చిపోతూ... ఆమె వెంటపడింది. ఆమె ఎలాగొలా పాపను కాపాడుకునేందుకు ప్రయత్నిస్తున్నా... కోతి ఆమెపై ఉరుకుతూ దాడికి యత్నించింది. ఇంతలో భర్త పరుగున వచ్చాడు. కోతిని కాళ్లతో బెదిరిస్తూ... వెనక్కి పంపేందుకు ప్రయత్నించాడు. అయినా కోతి మరోసారి పాపను లాగేసుకుంది. పాపను పట్టుకొని పెవికాల్ లా అతుక్కుపోయి వేలాడింది. చివరకు కోతిని తరిమేస్తుండగా.. వీడియో ఎండ్ అయ్యింది. (monkey attack on baby)

39 సెకండ్ల ఈ వీడియోని రెడ్డిట్ యూజర్ KaamDeveloper ఆగస్ట్ 6, 2022న పోస్ట్ చేశారు. ఈ వీడియోకి ఇప్పటివరకూ 3.4 వేలకు పైగా అప్ ఓట్లు వచ్చాయి. ఇది ఎక్కడ జరిగిందో, ఎప్పుడు జరిగిందో వివరాలు ఇవ్వకపోయినా... ఈ వీడియో నెటిజన్లను ఆకర్షిస్తోంది.
(Monkey tries to abduct a baby)

ఆ వీడియోని ఇక్కడ చూడండి (viral video)

ఈ వీడియోపై నెటిజన్లు తమ స్పందన తెలుపుతున్నారు. "ఆ పిల్లలు కోతి రాగానే... పాపను కోతికి వదిలేసి పారిపోయారు" అని ఓ యూజర్ ఆగ్రహం వ్యక్తం చేశారు. "అసలు ఆ పాప నిచ్చెనపై ఎందుకు ఉంది. దీనిపై పిల్లల్లో ఎవరికీ ఆందోళన లేదు" అని మరో యూజర్ కామెంట్ ఇచ్చారు.
National Summit Day : శిఖరాగ్ర దినోత్సవం .. ఏంటిది? ఎందుకు?
"ఆ కోతి పాపను ఎత్తుకు పోలేదు. కాపాడింది. ఎందుకంటే... ఆ నిచ్చెన పక్కన స్విమ్మింగ్ పూల్ ఉండి ఉంటుంది. పాప పూల్ లో పడిపోతుందనే ఉద్దేశంతో ఆ కోతి పాపను కిందకు లాగింది" అని మరో యూజర్ కామెంట్ ఇవ్వగా... దానికి రిప్లై గా ఇంకో యూజర్ "అదే నిజమైతే.. పాప తల్లిదండ్రులు రాగానే పాపను కోతి వదిలేయాలి కదా.. వాళ్ల దగ్గర్నుంచి ఎందుకు లాక్కుంటోంది. తానే గార్డియన్ అనుకుంటోందా?" అని మరో యూజర్ స్పందించారు.