Video: తెలివైన చిన్నారి.. క్షణాల్లో ఆ పజిల్ సాల్వ్ చేసేసింది!

అది చిన్న పజిల్. కానీ దాన్ని సాల్వ్ చెయ్యడం అంత తేలిక కాదు. అందరిలా ఆలోచిస్తే పరిష్కారం దొరకదు. ఆ చిన్నారి కొత్తగా ఆలోచించి దాన్ని పరిష్కరించింది (Girl solved puzzle). ఆ చిన్నారి చాలా వేగంగా దాన్ని పరిష్కరించింది. అద్భుతమైన తెలివితేటలు ఉంటేనే అది సాధ్యమవుతుంది (intelligent girl). వందేళ్ల కిందటితో పోల్చితే ఇప్పటి చిన్నారులు చాలా వేగంగా విషయాల్ని నేర్చుకుంటున్నారు. వారిలో తెలివితేటలు చాలా ఎక్కువగా ఉంటున్నాయి. కొత్త విషయాల్ని త్వరగా తెలుసుకోగలుగుతున్నారు. ఐతే... పిల్లల్లో మేధాశక్తిని వెలికి తీసేందుకు పజిల్స్, సుడోకు లాంటివి ముఖ్యం. ఎంతసేపూ మొబైల్స్‌లో ఉండే గేమ్సే కాదు... పెన్ను, పేపర్‌పై చేసే పజిల్స్ కూడా వారిలో తెలివితేటలకు పదును పెట్టగలవని ఈ పజిల్ నిరూపిస్తోంది. (dot circle puzzle)

ఏంటా పజిల్:
ఈ వీడియోలో ముగ్గురు బాలికలు ఉన్నారు. వారికి ఓ వ్యక్తి ఓ పజిల్ ఇచ్చారు. ఓ పెన్నుతో తెల్లటి పేపర్‌పై ఓ చుక్క (dot) పెట్టారు. ఆ తర్వాత చుక్క చుట్టూ గుండ్రంగా (circle) గీశారు. అదే విధంగా పిల్లలను గియ్యాలని చెప్పారు. ఐతే... ఇక్కడో కండీషన్ ఉంది. ఒకసారి పెన్నును పేపర్‌పై పెట్టాక దాన్ని పైకి ఎత్తకుండానే ఆ చుక్కనూ, గుండ్రాన్నీ గియ్యాలి. ఈ పజిల్‌ని ఆ ముగ్గురు పిల్లలూ మూడు రకాలుగా ప్రయత్నించారు. (solving a puzzle)

మొదటి పాప చుక్కతో మొదలుపెట్టి... అక్కడి నుంచి ఓ గీత గీసి... ఆ తర్వాత గుండ్రంగా గీసింది. ఫలితంగా రూల్ బ్రేక్ చేసినట్లైంది. అది సరైన పరిష్కారం కాదని తేలిపోయింది. ఆ తర్వాత మరో బాలిక పరిష్కరిస్తుంది అనుకుంటే... దీర్ఘ చతురస్రం (rectangle) గీసింది. అలా ఎందుకు గీసిందో ఏమో... అర్థం కాని పరిస్థితి. ఆ బాలిక కూడా ఫెయిలైంది.

మూడో బాలిక... మిగతా ఇద్దరు బాలికలూ గిసినప్పుడు ఎంతో ఆసక్తిగా చూసింది. ఇక తనవంతు రావడంతో... ఆ పేపర్‌ని ఓ మూల చిన్నగా మడతపెట్టింది. తర్వాత పేపర్ నుంచి పెన్నుతో గీతను మొదలుపెట్టి... మడతపైకి పోనిచ్చింది. ఆ తర్వాత మడతను తీసేసి... గుండ్రంగా గీసింది. దాంతో... పజిల్ సాల్వ్ అయిపోయింది. (smart girl)

ఆ వీడియోని ఇక్కడ చూడండి

పెన్నును పైకి ఎత్తకుండా సాల్వ్ చెయ్యడంలో ఆ చిన్నారి అద్భుతమైన తెలివితేటలు చూపించింది. అందుకే నెటిజన్లు ఆమెను మెచ్చుకుంటున్నారు. ఇలాంటి పజిల్స్ పిల్లల్లో మేధాశక్తిని పెంచుతాయి. కొత్తగా ఆలోచించేలా చేస్తాయి. మొబైల్స్‌లో గేమ్స్ కంటే ఇవే వాళ్లకు బాగా మేలు చేస్తాయని నెటిజన్లు అంటున్నారు.