Kobra video : చిన్నారిని కాటువేయబోయిన నాగుపాము.. తల్లడిల్లిన తల్లి

Kobra video : పాములతో చాలా జాగ్రత్తగా ఉండాలి. తమకు హాని జరిగేలా ఉంది అని బావిస్తే... పాములు కాటేయడానికి ఏమాత్రం సంకోచించవు. ముఖ్యంగా నాగుపాములు (Venomous indian cobra) మన ఇండియాలో చాలా ఎక్కువ. తరచుగా ఇవి రైతులను కాటు వేస్తున్నాయి. పాము కాట్లతో ఇండియాలో ఏటా 81 వేల నుంచి 1,38,000 మంది దాకా చనిపోతున్నారు. దాదాపు 4 లక్షల మంది దివ్యాంగులుగా మారిపోతున్నారు. పాములతో ఎంత జాగ్రత్తగా ఉంటే అంత మంచిదని ఈ గణాంకాలు చెబుతున్నాయి. తాజా వీడియోలో కూడా ఇదే విషయం స్పష్టమవుతోంది. (Karnataka woman saves son from cobra)

యూట్యూబ్‌లోని Animal Rescue India ఛానెల్‌లో ఈ వీడియోని ఆగస్ట్ 12న అప్‌లోడ్ చేశారు. దీన్ని ఇప్పటివరకూ 82 వేల మందికి పైగా చూశారు. వీడియోని గమనిస్తే... కర్ణాటకలోని ఓ ఇంటి ఎంట్రన్స్ దగ్గర ఉన్న మెట్టు పక్కగా ఓ నాగుపాము వెళ్తూ ఉంది. అప్పుడే తల్లీ, కొడుకూ ఇంట్లోంచీ బయటకు వచ్చారు. కొడుకు మెట్టు దిగుతూ చూసుకోకుండా... పాముపై కాలు వెయ్యబోయాడు. అది గమనించిన పాము క్షణాల్లో వెనక్కి జరిగింది. ఐతే.. ఆ పిల్లాడు.. ముందుకు వెళ్లి మళ్లీ వెనక్కి తిరిగిన సమయంలో.. నాగుపాము తన రక్షణ కోసం కాటువేయబోయింది. ఆ సమయంలో తల్లి ఒక్కసారిగా పిల్లాణ్ని పట్టుకొని వెనక్కి లాగడంతో... ప్రమాదం తప్పింది. ఆమె ఒక్క క్షణం ఆలస్యం చేసినా.. పాము కాటు వేసేదే. (snake bite on child video)

ఆ వీడియోని ఇక్కడ చూడండి (viral video)

సీసీటీవీలో రికార్డైన ఈ దృశ్యాన్ని చూసి నెటిజన్లు ఆశ్చర్యపోతున్నారు. ఒక్కక్షణం వారే అక్కడ ఉన్నట్లుగా ఫీలవుతూ... పిల్లాణ్ని కాపాడాలనే ఆలోచనకు వస్తున్నారు. అంతలా వీడియోలో వారు ఇన్వాల్వ్ అవుతున్నారు.

"ఆమె ఎంత వేగంగా స్పందించింది. ఆమె ఆలోచించలేదు.. ఆచరించింది" అని ఓ యూజర్ కామెంట్ ఇవ్వగా... "ఆమె బాగా చేసింది. ఆమెకు హ్యాట్సాఫ్. అయోమయంలో ఆ పిల్లాడు పామువైపు వెళ్లబోయాడు. కానీ తల్లి చాలా చాకచక్యంగా పిల్లాణ్ని కాపాడింది. ఆ నాగుపాము చాలా వేగంగా ఉంది" అని మరో యూజర్ స్పందించారు.
Leopard video : చిరుతను హింసించిన జనం .. జైల్లో పెట్టాలంటూ నెటిజన్లు ఫైర్
"ఆ నాగుపాముకి కాటు వేసే ఉద్దేశం లేదు. అది తనను తాను రక్షించుకునేందుకు ప్రయత్నించింది. మానవులు మాత్రం పాములు తమను కాటేస్తున్నాయని అనుకుంటారు. మీరు ఉన్న చోట పాము ఉంటే కంగారు పడకండి. దాని దారిన దాన్ని వెళ్లనివ్వండి. అది మీకు హాని చెయ్యకుండానే అక్కడి నుంచి వెళ్లిపోతుంది" అని మరో యూజర్ కామెంట్ ఇచ్చారు.