సింహంతో 6 కి.మీ. పోరాడిన తల్లి జిరాఫీ.. హార్ట్ టచింగ్ వీడియో

సింహాలూ, పులుల వంటివి.. ఏ జింకనో వేటాడుతున్నప్పుడు... ఆ జింక తప్పించుకుంటే బాగుండు అని మనం అనుకుంటాం. కానీ... చాలా సందర్భాల్లో తప్పించుకోలేవు. ఆ వీడియోని షూట్ చేసే ఫొటోగ్రాఫర్లు... జింకను కాపాడవచ్చుగా అని అనుకుంటాం. వాళ్లు అలా చెయ్యరు. ఎందుకంటే... అలా చేస్తే... క్రూరమృగాలకు ఆహారం ఉండదు. అందువల్ల సందర్భం ఎలాంటిదైనా వాళ్లు వీడియో తీస్తారే తప్ప... అడ్డుకోరు. అలాంటి ఓ సందర్భం వీడియో చూసిన నెటిజన్లు తీవ్ర ఆవేదన వ్యక్తం చేస్తున్నారు. (wildlife video)

30 ఏళ్ల వైల్డ్‌లైఫ్ ఫొటోగ్రాఫరైన డాన్ హేనెకే ఈ వీడియోని షూట్ చేశారు. కెన్యాలోని మసాయ్ మరాలో ఉన్న ఒలారే మోటోరోగీ కన్సెర్వాన్సీలో.. ఈ దృశ్యం కంటపడింది (kenya safari video). యూట్యూబ్‌లోని Latest Sightings ఛానెల్‌లో ఈ వీడియోని నవంబర్ 24న అప్‌లోడ్ చెయ్యగా... ఇప్పటివరకు 96 లక్షల మందికి పైగా చూశారు. 30వేల మందికి పైగా లైక్ చేశారు.

పోరాడిన జిరాఫీ తల్లి:
8 నిమిషాలు ఉన్న ఈ వీడియో ప్రారంభంలో... ఇటీవలే పుట్టిన ఓ పిల్ల జిరాఫీని జాగ్రత్తగా నడిపిస్తోంది తల్లి జిరాఫీ. ఐతే.. ఆ పిల్ల జిరాఫీని కొన్ని హైనాలు, ఓ సింహం టార్గెట్ చేశాయి. హైనాలు కాసేపటికే తమ మూడ్ మార్చుకొని వదిలేశాయి. సింహం మాత్రం వదల్లేదు. అది గ్రహించిన తల్లి... సింహాన్ని పక్కకు అదిలిస్తూ... భయపెడుతూ... ఎలాగొలా తన బిడ్డను... జిరాఫీల గుంపులోకి తీసుకెళ్లగలిగింది. కానీ ఆ సింహం వదల్లేదు. వాటి వెంటే బయలుదేరింది (lion's attack on giraffe).

ఇలా కొంతదూరం వెళ్లాక... జిరాఫీల గుంపు నుంచి తల్లీ, పిల్లా వేరయ్యాయి. అదే అదనుగా ఆ సింహం తన జోరు పెంచింది. అయినప్పటికీ తల్లి జిరాఫీ తన శక్తినంతా కూడేసి.. ఆ సింహం నుంచి బిడ్డను కాపాడుకునేందుకు అన్ని విధాలా ప్రయత్నించింది. ఇలా దాదాపు 6 కిలోమీటర్ల పాటూ ఈ పోరాటం సాగింది.

ఆ తర్వాత ముందుకు వెళ్లేందుకు దారి లేకుండా పోయింది. తన బిడ్డ దగ్గరకు సింహం వచ్చేస్తుంటే ఎలా కాపాడుకోవాలా అని తల్లి ఆలోచిస్తున్న సమయంలో... పిల్ల జిరాఫీ ఓ గొయ్యిలో పడిపోయింది. దాన్ని కాపాడబోయి తల్లి జిరాఫీ కూడా పడిపోయింది. అదే అదనుగా... సింహం... పిల్ల జిరాఫీపై పడి... మెడ బలంగా కొరికేసింది. జీవచ్చవంలా మారిన పిల్ల జిరాఫీని అక్కడి నుంచి లాక్కుపోయింది (Lion's Attack Baby Giraffe Video).

ఓ నీటి కొలను పక్కన పిల్ల జిరాఫీని సింహం పడేసి ఉంచగా... తల్లి జిరాఫీ వచ్చి సింహాన్ని తరిమేసింది. కాసేపటికి అద్భుతం జరిగింది. పిల్ల జిరాఫీ తిరిగి ప్రాణాలతో లేచింది. కానీ ఆ ఆనందం ఎంతోసేపు నిలవలేదు. గాయం తీవ్రమైనది కావడంతో... నీటి కొలనులో దిగిన పిల్ల జిరాఫీ... బలహీనంగా మారి... 7 గంటల తర్వాత నీటిలోనే చనిపోయింది. ఇదంతా ఫొటోగ్రాఫర్ వీడియో తీశారు. (Baby giraffe video)

ఆ వీడియోని ఇక్కడ చూడండి

నెటిజన్ల ఆవేదన:
ఈ వీడియో చూసి నెటిజన్లు ఆవేదన వ్యక్తం చేస్తున్నారు. "మీ జీవితం కష్టాల్లో ఉంది అనిపించినప్పుడు.. ఆ బేబీ జిరాఫీ ఎదుర్కొన్న పరిస్థితులను తలచుకోండి" అని ఓ నెటిజన్ కామెంట్ ఇచ్చారు. "సింహం దాడి చేసినా ఆ పిల్ల జిరాఫీ తిరిగి బతకడం గొప్ప విషయం. దాదాపు 7 గంటలు నీటిలో బతుకుపోరాటం సాగించి చనిపోవడం దురదృష్టకరం" అని మరో యూజర్ కామెంట్ ఇచ్చారు.

viral video: అడవిపంది కోసం సింహాల ప్లాన్.. వ్యూహాత్మకం
"ఇది విషాదకరం. అలాగని ఈ వీడియో మాత్రం విషాదకరం కాదు" అని మరో యూజర్ స్పందించారు. "ఆ బేబీ జిరాఫీ కొన్ని గంటలో బతికి ఉండొచ్చు. కానీ అది యువతకు ప్రేరణ ఇచ్చింది. ఎప్పుడూ పోరాటాన్ని వదలొద్దు అనే సందేశం ఇచ్చింది" అని మరో యూజర్ కామెంట్ ఇచ్చారు.