viral video: వామ్మో.. ఆ రోడ్డుకో దండంరా బాబూ.. గుండె ఆగిపోద్ది!

మీకు ఎత్తైన ప్రదేశాలంటే భయమా,.. పై నుంచి లోయలోకి చూడటం అంటే టెన్షనా.. అయితే.. ఈ వీడియో మీరు చూడకండి. ఎందుకంటే ఇందులో దృశ్యం అలాంటిదే. విషయమేంటంటే... అదో ఎత్తైన పర్వతం. ఆ పర్వతాన్ని అనుకొని ఓ సన్నటి ఘాట్ రోడ్డు ఉంది. ఎంత సన్నగా ఉందంటే... కనీసం బైక్ వెళ్లేందుకు కూడా వీలుగా లేదు. రోడ్డు పక్కనే భారీ లోయ. అందులోకి జారి పడితే... అడ్రెస్ ఉండదు. ప్రాణాలపై ఆశలు వదులుకోవాల్సిందే. అలాంటి రోడ్డుపై వెళ్లేందుకు ఎవరూ ఇష్టపడరు. కానీ సాహసికులు, అడ్వెంచర్స్ చెయ్యాలి అనుకునేవాళ్లు మాత్రం వెళ్తారు. (dangerous ghat road video)

ఈ వీడియోని ఇన్‌స్టాగ్రామ్‌లోని Ghantaa పేజీలో జూన్ 25, 2022న పోస్ట్ చెయ్యగా... ఇప్పటివరకూ లక్షల మంది చూశారు. 2 లక్షల మందికి పైగా లైక్ చేశారు. అలా ఈ చిన్న క్లిప్ సూపర్ వైరల్ అవుతోంది.

ఆ వీడియోని ఇక్కడ చూడండి (viral video) (Warning: Graphic Content. Viewer Discretion Is Advised)

ఈ వీడియోపై నెటిజన్లు తమ కామెంట్ ఇస్తున్నారు. "మీరు గూగుల్ మ్యాప్స్ వాడినప్పుడు ఇలాంటి రోడ్లు వస్తాయి" అని ఓ యూజర్ సెటైర్ వెయ్యగా.. "ఇలాంటి రోడ్డులో మీరు రోజూ వెళ్లాల్సి వస్తే ఎలా ఉంటుంది" అని మరో యూజర్ కామెంట్ ఇచ్చారు. "ప్రమాదకరమైన రోడ్డు" అని మరో యూజర్ స్పందించారు.

ఇంతకీ ఇది ఎక్కడి రోడ్డు అన్నది తెలియలేదు. కొంతమంది యూజర్లు ఇది పాకిస్థాన్‌లో రోడ్డు అంటున్నారు. అది నిజమే కావచ్చు. ఎందుకంటే ప్రపంచంలో రెండో అతి భయంకరమైన రోడ్డును కలిగివున్న దేశంగా పాకిస్థాన్ ఉన్నట్లు 2013లో ప్రపంచ ఆరోగ్య సంస్థ విడుదల చేసిన గ్లోబల్ స్టేటస్ రిపోర్ట్ తెలిపింది. ఈ రోడ్డును ఫెయిరీ మెడోస్ రోడ్ (Fairy Meadows Road) అంటారు. పేరు అందంగా ఉన్నా రోడ్డు అస్సలు బాగోదు. అంతా పర్వతాలపై ఉంటుంది. ఎప్పుడు ఎక్కడ కొండచరియలు విరిగిపడతాయో తెలియదు. కొన్ని చోట్ల అత్యంత సన్నగా ఉంటుంది.
viral video: సినిమాల్లో సౌండ్ ఎఫెక్ట్స్.. సీక్రెట్ రివీల్.. వీడియో వైరల్
ఈ రోడ్డుకి సంబంధించిన వీడియోలు సోషల్ మీడియాలో చాలా ఉన్నాయి. సాహసాలు చెయ్యాలనుకునేవాళ్లు దీనిపై ప్రయాణించి.. ప్రాణాలకు తెగిస్తున్నారు. ఇది మొత్తం 16.2 కిలోమీటర్ల రోడ్డు. చాలాచోట్ల గులకరాళ్లతో ఉంటుంది. రోడ్డు పక్కనే లోయలుంటాయి. పొరపాటున వాహనం స్కిడ్ అయితే... లోయలో పడిపోవడమే తప్ప.. ఆపే గార్డ్ రెయిల్స్ ఏవీ ఉండవు. గుండె సమస్యలు ఉన్నవారు ఈ రోడ్డుపైకి వెళ్లకపోవడం మేలు.
viral video: చెల్లి పెళ్లికి తండ్రి మైనపు విగ్రహం.. హార్ట్ టచింగ్ వీడియో
కారాకోరం హైవే నుంచి మొదలయ్యే ఈ ఘాట్ రోడ్డు... దక్షిణాన తట్టు గ్రామం వరకూ ఉంటుంది. రోడ్డు చివర్లో అత్యంత సన్నగా ఉంటుంది. అక్కడ సైకిల్, నడిచివెళ్లేందుకు మాత్రమే వీలుటుంది. నంగ ప్రభాత్ పర్వతాన్ని ఎక్కాలి అనుకునే సాహసికులకు ఈ రోడ్డు లాంచింగ్ పాయింట్‌గా ఉంటుంది. ఈ పర్వతం సముద్ర మట్టం నుంచి 8,126 మీటర్ల ఎత్తు ఉంటుంది. ప్రపంచంలో 9వ ఎత్తైన పర్వతం. ఈ పర్వతం పక్కనే ఫెయిరీ మెడోస్ నేషనల్ పార్క్ (Fairy Meadows National Park) ఉంటుంది. గడ్డి మైదానాలతో ఆకట్టుకుంటుంది.
viral video: కొంపముంచిన రెస్క్యూ ఆపరేషన్.. కాపాడకపోతేనే బాగుండేదట..
పార్క్ పక్కనే ఆల్పైన్ వృక్షాల అడవి ఉంటుంది. ప్రకృతిలో గడపాలి అనుకునే నేచర్ లవర్స్‌కి ఈ పార్క్, అడవి బాగా నచ్చుతాయి.