బాబోయ్ దెయ్యం.. పసిబిడ్డను అలా చూసి షాకైన తల్లి, అసలు ఏమైంది?

ఉయ్యాల్లో ఉన్న బిడ్డను చూసుకొనేందుకు తల్లిదండ్రులు ఓ సీసీ కెమేరాను కొనుగోలు చేశారు. ఓ రోజు తన బిడ్డ ఏం చేస్తుందో తెలుసుకుందామని మానిటర్‌లో వీడియోను చూసిన తల్లి ఒక్కసారే షాకైంది. తన బిడ్డ దెయ్యంలా కనిపించడంతో భయాందోళనలకు గురైంది. వెంటనే ఆ గదిలోకి వెళ్లి లైట్ ఆన్ చేసింది. ఆ బిడ్డ మామూలుగానే ఉండటంతో ఊపిరి పీల్చుకుంది.

Also Read: నిఘా కెమేరాకు చిక్కిన పిల్ల దెయ్యం.. అర్ధరాత్రి పిల్లి ఆత్మతో ఆటలు!

పాషన్ పాప్ సోషలిస్ట్ అనే ట్విట్టర్ యూజర్ ఇటీవల తనకు ఎదురైన అనుభవాన్ని తెలుపుతూ ఓ భయానకమైన చిత్రాన్ని పోస్టు చేసింది. అందులో ఉన్న పసిబిడ్డ కళ్లు.. రామ్ గోపాల్ వర్మ సినిమాల్లో కనిపించే పిల్ల దెయ్యం కళ్లలా మెరుస్తుండటంతో భయాందోళనలకు గురైంది. ఈ సందర్భంగా ఆ వీడియోకు సంబంధించిన స్క్రీన్ షాట్‌ను ట్విట్టర్‌లో పోస్టు చేసింది.

Also Read: కొడుకు పక్కలో శిశువు ఆత్మ.. భర్త తప్పిదంతో భార్య హడల్, చివరికి..

‘‘మేం కొత్తగా ఓ బేబీ మానిటర్‌ను కొనుగోలు చేశాం. బహుశా.. అందులో ఏదో తేడా ఉన్నట్లుంది’’ అని ఆ ఫొటోను పెట్టింది. ఈ ఫొటోను చూసిన నెటిజనులు సైతం హడలిపోయారు. వామ్మో.. ఈ కెమేరాలు పిల్లలను దెయ్యాల్లా మార్చేస్తున్నాయే అని కామెంట్లు చేస్తున్నారు. కొందరైతే కొన్ని హర్రర్ సినిమా పేర్లను ఆమెకు సూచిస్తున్నారు. దీంతో ఆ ట్వీట్ క్రమేనా వైరల్ అయ్యింది. ఇప్పటివరకు 83 వేల మంది రిట్వీట్ చేసుకోగా 4 లక్షల మంది లైక్ చేశారు.

ఆ ఫొటోపై మీరూ ఓ లుక్కేయండి మరి:

ఈ ట్వీట్‌కు వస్తున్న స్పందనలు ఇవీ: