కుళ్లు కంపు కొడుతున్నాయి.. ఆ చెట్లను తొలగించండి.. ప్రజల డిమాండ్!

చెట్లు మనకు ఎంతో మేలు చేస్తాయి. ఆక్సిజన్, పండ్లు ఇతరత్రా ఎన్నో ఇస్తాయి. ఐతే... అమెరికా... మైన్ (Maine) రాష్ట్ర ప్రజలు మాత్రం పియర్ చెట్లను చూసి భయపడుతున్నారు. ముక్కు మూసుకుంటున్నారు. అవి కాల్లెరీ జాతి పియర్ చెట్లు (Callery pear tree). శాస్త్రీయ భాషలో దాన్ని పైరస్ కాల్లెర్యానా (Pyrus calleryana) అంటారు. ఈ చెట్లు స్థానికులకు కంటిమీద నిద్ర లేకుండా చేస్తున్నాయి. అవి వారికి నిత్య నరకంలా మారాయి. ఈ ఒక్క రాష్ట్రంలోనే కాదు... మిగతా కొన్ని రాష్ట్రాల ప్రజలు కూడా ఈ చెట్ల వల్ల ఇబ్బంది పడుతున్నారు.

ఆ చెట్లతో వచ్చే సమస్యేంటి? (Problems with trees):
ఈ చెట్లు పెరిగాక తెల్లటి అందమైన పూలు పూస్తాయి. ఆ పూలు అత్యంత దారుణంగా కంపు కొడతాయి. చేప కుళ్లిపోతే ఎలాంటి దుర్వాసన వస్తుందో... అలాంటి వాసన వాటి నుంచి వస్తూ ఉంటుంది. సౌత్ కరోలినా అటవీ సంఘం... ఓ రివార్డ్ ప్రకటించింది. ఎవరైనా ఒక కాల్లెరీ పియర్ చెట్టును తొలగిస్తే... దానికి బదులుగా ఐదు కొత్త చెట్లను ఇస్తామని ఆఫర్ ఇచ్చింది. అయినా సరే ఆ చెట్లను పెంచుకుంటున్న వాళ్లు వాటిని తొలగించట్లేదు. ఆ చుట్టుపక్కల వాళ్లకు మాత్రం అవి ఇబ్బంది కలిగిస్తున్నాయి.

అమెరికాపై పియర్ చెట్ల దండయాత్ర:
పొలంలో కలుపు మొక్కలు కనిపిస్తే... రైతు గుండెల్లో రాయి పడుతుంది. ఎందుకంటే... ఆ కలుపు చాలా డేంజరస్. దాన్ని అలాగే వదిలేస్తే... అది తన వేళ్లను విస్తరిస్తూపోయి... పంటను పెరగనివ్వకుండా చెయ్యగలదు. అదే విధంగా... అమెరికాలో కాల్లెరీ పియర్ చెట్లు కూడా ప్రమాదకరంగా మారాయి. అసలు ఆ చెట్లు అమెరికాలో పుట్టినవి కావు. 1900 సంవత్సరాల్లో ఆసియా దేశాల నుంచి ఆ మొక్కలను కొందరు అమెరికాకి తెచ్చారు. తమ ఇళ్ల గార్డెన్లలో వాటిని పెంచుకున్నారు. 1960 నాటికి ఆ చెట్లు చాలా రాష్ట్రాల్లో విస్తరించాయి. తెల్లటి పూలతో ఆకర్షణీయంగా ఉంటాయి గానీ... వాటి వాసన మాత్రం భరించలేని విధంగా ఉంటుంది. (bad smell trees)

అవిగో UFOలు.. కాప్చర్ చేసిన విమాన పైలట్.. ఎక్కడంటే!
చైనా నుంచి విస్తరణ:
చైనా, వియత్నాంలో ప్రజలు ఈ చెట్లను పెంచుకుంటారు. వారు వీటిని అందం కోసం పెంచుతారు. అమెరికాలో ఈ చెట్లను బ్రాడ్‌ఫోర్డ్ పియర్ ట్రీ (Bradford pear tree) అని పిలుస్తున్నారు. ఇప్పుడు ఇవి అమెరికాపై దాదాపు దండయాత్ర చేస్తున్నాయి. అక్కడి ఇతర జాతుల చెట్లు పెరగకుండా ఇవే పెరుగుతున్నాయి. అందువల్ల ఉత్తర అమెరికాలోని తూర్పు, మధ్య పశ్చిమ ప్రాంతంలో ఈ చెట్లను చొరబడే చెట్ల జాతిగా పిలుస్తున్నారు.

Video: టూరిస్టులకు చుక్కలు చూపించిన ఏనుగు.. పరుగో పరుగు!
ఈ చెట్ల వల్ల కలుగుతున్న నష్టాన్ని గుర్తించిన సౌత్ కరోలినా అధికారులు... 2024 నాటికి వీటిని పూర్తిగా తొలగించే ఆలోచనలో ఉన్నారు. అందుకే ప్రజలే వాటిని తొలగించేలా ఆఫర్లు ప్రకటిస్తున్నారు. మైన్ రాష్ట్రంలో ఈ చెట్లు ఇంకా ఇతర జాతులకు హాని కలిగించకపోయినా... వీటి నుంచి వచ్చే దుర్వాసన సమస్య అయ్యింది. ఇక వీటిని అమెరికా వదిలించుకోగలదా లేదా అన్నది అక్కడి అధికారులు, ప్రజల చేతుల్లో ఆధారపడి ఉంది.