వామ్మో, కొండ చిలువ.. మెడను చుట్టేసి, మింగేసేదే! కేరళాలో ఘటన

కేరళాలో డ్యామ్ వద్ద పరిశుభ్రతా పనులు చేస్తున్న కూలీలపై కొండ చిలువ దాడి చేసింది. వారిలో ఒకరి మెడను చుట్టేసి మింగేయబోయింది. ఆ తర్వాత ఏం జరిగిందో ఈ వీడియోలో చూడండి.

Samayam Telugu 18 Oct 2019, 9:36 pm

కేరళాలోని తిరువనంతపురంలో ఓ కొండ చిలువ ఓ వృద్ధుడిని అమాంతంగా మింగేయడానికి మెడను చుట్టేసింది. పట్టు వీడకుండా అతడి మెడను బిగిస్తూ ప్రాణాలు తీయడానికి ప్రయత్నించింది. దీంతో స్థానికులు దాని తల, తోక పట్టుకుని విడిపించడంతో అతడు ప్రాణాలతో బయటపడ్డాడు. అనంతరం ఆ కొండ చిలువను అటవీ శాఖ అధికారులకు అప్పగించారు.

Read also: గుడ్డును చీల్చితే వందలాది సాలీడ్లు వచ్చాయ్.. ఒళ్లు జలదరించే వైరల్ వీడియో!

నెయ్యర్ డ్యామ్‌ వద్ద తుప్పలను తొలగిస్తున్న కూలీలపై కొండ చిలువ దాడి చేసింది. భువనచంద్రన్ నయ్యర్ అనే 61 ఏళ్ల వ్యక్తి మీదకు పడి మెడను పట్టుకుని తలను పట్టుకుని మింగేయబోయింది. తోటి కూలీలు ధైర్యం చేయడంతో అతడి ప్రాణ గండం తప్పింది. ఈ ఘటన తర్వాత నయ్యర్ తీవ్రమైన మెడ నొప్పితో బాధపడ్డాడు. దీంతో అతడిని కేరళ ఇనిస్టిట్యూట్ ఆఫ్ మేనేజ్మెంట్‌లో చేర్చారు.

వీడియో:

వామ్మో, కొండ చిలువ.. మెడను చుట్టేసి, మింగేసేదే! కేరళాలో ఘటన

తరవాత కథనం