వృద్ధుడి తలపై పెరుగుతున్న కొమ్ము.. కారణం ఇదే!

ఓ వ్యక్తి తలకు గాయమైంది. కొద్ది రోజుల తర్వాత దెబ్బ తగిలిన ప్రాంతంలో కొమ్ము మొలిచింది. అది రోజు రోజుకు పెద్ది కావడంతో ఆ వ్యక్తి వైద్యులను ఆశ్రయించాడు. ఈ ఘటన మధ్యప్రదేశ్‌లోని సాగర్ జిల్లాలో చోటుచేసుకుంది. రాహ్లీ ప్రాంతానికి చెందిన 74 ఏళ్ల శ్యామ్‌లాల్ యాదవ్‌ కొన్నేళ్ల కిందట ప్రమాదానికి గురయ్యాడు. దీంతో అతడి తలకు గాయమైంది.

Read also: మహిళ చెవిలో మొలిచిన పుట్టగొడుగులు.. షాకైన వైద్యులు

చికిత్స జరిగిన కొద్ది రోజుల తర్వాత దెబ్బ తగిలిన ప్రాంతంలో కొమ్ము పెరగడం మొదలైంది. దీంతో అతడే ఆ కొమ్మును కత్తిరించుకొనేవాడు. అయితే, అది ఇంకా పెద్దది కావడంతో శ్యామ్‌లాల్ వైద్యులను సంప్రదించాడు. అయితే, వైద్యులు కూడా దీనికి పరిష్కారం చూపలేకపోయారు. చివరికి భాగ్యోదయ్ తీర్థ్ ఆసుపత్రిలో ఆ కొమ్మును తొలగించారు.

Read also: కంటిలోకి దూసుకెళ్లిన కుక్కర్ విజిల్.. బాధతో విలవిల్లాడిన మహిళ

శ్యామ్ లాల్‌కు వైద్యం చేసిన డాక్టర్ విశాల్ గజభియే మాట్లాడుతూ.. బాధితుడు సేబాషియస్ హార్న్ (కొవ్వు కొమ్ములుగా ఎదగడం) సమస్యతో బాధపడుతున్నాడని తెలిపారు. శరీరంలో సూర్యరశ్మి తగిలే ప్రాంతంలో ఇవి ఏర్పడతాయని, దీన్ని డెవిల్స్ హార్న్ అని కూడా అంటారన్నారు. ఎక్స్‌రేలో అతడి కొమ్ము మూలాలు పూర్తిగా శరీరంలోకి చొచ్చుకెళ్లలేదని గుర్తించామని, అందుకే దాన్ని సులభంగా తొలగించామని తెలిపారు.