ప్రేమతో తల్లి, సోదరులను.. జాలితో అమ్మమ్మ, తాతయ్యలను నరికేసిన బాలుడు!

ఆ ఇల్లు నిత్యం సందడిగా కనిపించేది. పెరట్లో గార్డెనింగ్ చేసే ముసలి దంపతులు, ఆటల్లో తల మునకలయ్యే కవల పిల్లల అరుపులు, కేకలతో దద్దరిల్లేది. కానీ, ఓ రోజు ఇంట్లో సందడి కనిపించలేదు. అంతా నిశబ్దంగా ఉంది. ఇంటి తలుపులు తెరిచి ఉన్నా ఎవరి అలికిడి లేకపోవడంతో పక్కింటి వారు లోపలికి వెళ్లి చూసి షాకయ్యారు. నిత్యం నవ్వుతూ పలకరించే ఆ వృద్ధ దంపతులు రక్తపు మడుగులో పడి ఉన్నారు. మరొక గదిలో వారి కుమార్తె చనిపోయింది. ఆమె పక్కన కవల మనవళ్ల శవాలు ఉన్నాయి. అందరి శరీరాలపైనా ఎవరో దారుణంగా నరికిన గుర్తులున్నాయి. అయితే, ఆ ఇంట్లో ఉంటున్న ఆరుగురు సభ్యుల్లో ఒకరు మాత్రం కనిపించలేదు. శవాలను చూడగానే పక్కంటివారు పోలీసులకు ఫిర్యాదు చేశారు.

హుటాహుటిన ఆ ఇంటికి చేరిన పోలీసులు తనిఖీలు చేయగా ఇంట్లో ఒక మూలన రక్తంతో తడిచిన గొడ్డలి ఉంది. పోలీసు జాగిలాలు గొడ్డలిని వాసన చూసి నేరగాడిని పట్టుకునేందుకు పరుగులు పెట్టాయి. ఓ టెలిఫోన్ టవర్ వద్ద స్పృహతప్పి పడివున్న బాలుడి వద్ద ఆగాయి. ఆ బాలుడు మరెవ్వరో కాదు.. హత్యకు గురైన వృద్ధ దంపతుల పెద్ద మనవడు తిమూర్ కిమలెట్‌డినావ్. వయస్సు 16 ఏళ్లు.

Read also: అంగ స్తంభన సమస్య.. 53 మందిని రేప్ చేసి, దారుణంగా చంపేసిన ‘రాక్షసుడు’

పశ్చిమ రష్యాలోని ప్యాట్రికీవో ప్రాంతంలో నివసిస్తున్న తిముర్‌కు తన అమ్మమ్మ లిదియా (69), తాతయ్య విక్టార్ (66) అంటే చాలా ఇష్టం. అతడి తండ్రి విడాకులు తీసుకోవడంతో తల్లి మారినాతో కలిసి వారి ఇంట్లోనే ఉంటున్నాడు. తిమూర్‌కు సోఫియా(4), ఆంటోన్ (4) అనే ఇద్దరు కవల తోబుట్టువులు కూడా ఉన్నారు.

తల్లి, కవలల హత్య: తిమూర్ తల్లి.. తనకంటే సోఫియా, ఆంటోస్‌లకే ఎక్కువ ప్రాధాన్యం ఇస్తుందని తిమూర్ ఈర్ష్య పడేవాడు. పైగా, అతడితో వారికి సేవలు చేయిస్తుందనే కోపం ఎక్కువైంది. దీంతో ఇటీవల తిమూర్ తన స్నేహితుడితో కలిసి తల్లిని చంపాలని ప్లాన్ చేశాడు. అయితే, స్నేహితుడు అదంతా జోక్ అనుకుని పట్టించుకోలేదు. కానీ.. తిమూర్ నిజంగానే దాన్ని అమలు చేశాడు. కవలల వద్ద నిద్రపోతున్న తల్లి మారీనాను గొడ్డలితో నరికి చంపేశాడు. ఆ తర్వాత సోఫియా, ఆంటోస్‌లను కూడా నరికేశాడు.

Read also: అవి కోసి, శవాన్ని సూట్‌కేసులో కుక్కి.. మిస్టరీగా మారిన ఇన్‌స్టాగ్రామ్ స్టార్‌ హత్య!

జాలీతో అమ్మమ్మ, తాతయ్యలను చంపేశా: అమ్మమ్మ, తాతయ్యలంటే తనకు చాలా ఇష్టమని, వారిని చంపాలనే ఉద్దేశం తనకు లేదని తిమూర్ చెప్పాడు. అమ్మ కేకలు విని లోపలికి వచ్చిన అమ్మమ్మ, తాతయ్యలు ఏడ్వడం చూసి.. తనకు బాధ వేసిందని, వాళ్లు చనిపోయారనే బాధతో మరింత కుమిలిపోతారని జాలేసిందన్నాడు. దీంతో వారిని కూడా చంపేశానని తెలిపాడు. వారు తనతో చాలాసేపు పోరాడారని చెప్పాడు. ఆ తర్వాత తాను ఆత్మహత్య చేసుకోడాని టవర్ మీద నుంచి దూకేశానన్నాడు. తిమూర్ స్కూల్‌లో చాలా తెలివైన కుర్రాడిగా పేరు తెచ్చుకున్నాడని, ప్రతి పోటీలో అతడే ముందుండేవాడని స్కూల్ యాజమాన్యం తెలిపింది. అతడు ఈ హత్యలు చేశాడంటే నమ్మబుద్ధి కావడం లేదన్నారు.