యాప్నగరం

ఒక జింక.. ఏడు సింహాలు.. వీడియో చివర్లో ఊహించని ఘటన

ఒక జింకను రెండు సింహాలు తినగలవు. అలాంటిది ఒక్క జింక కోసం ఏడు సింహాలు పోటీ పడ్డాయి. పైగా చెట్టు ఎక్కాయి. ఐతే... అవి ఓ విషయాన్ని మర్చిపోయాయి. అక్కడ వాటి ప్లాన్ తేడా కొట్టింది. మరి అప్పుడేం జరిగింది? అన్ని సింహాల నుంచి ఆ జింక తప్పించుకుందా? వాటి ఆకలి తీరకుండా పారిపోయిందా? ఆఫ్రికా సఫారీలోని ఈ వైల్డ్ లైఫ్ వీడియో... సోషల్ మీడియాలో బాగా వైరల్ అవుతోంది. నెటిజన్లు దీన్ని చూసి చివర్లో ట్విస్ట్ అదిరిపోయింది అంటున్నారు. అసలేం జరిగిందో వీడియో చూసి తెలుసుకుందాం.

Samayam Telugu 19 Mar 2022, 12:39 pm
సింహాలు సహజంగా చెట్లు ఎక్కవు. చెట్ల కింద కూర్చుంటాయి. లేదా గుహలలో ఉంటాయి. చిరుతపులులు చెట్లు ఎక్కుతాయి. వాటి కంటే డబుల్ బరువు ఉండే సింహాలు ఇలాంటి సాహసాలు చెయ్యవు. ఎందుకంటే... వాటికి చెట్లు ఎక్కడం, దిగడం సరిగా రాదు. తేడా వస్తే పై నుంచి కింద పడే ప్రమాదం ఉంటుంది. అయినా చెట్లపైకి ఎక్కి ప్రాణాలు కాపాడుకోవాల్సిన దుస్థితి సింహాలకు లేదు. తమపై ఏ జంతువూ దాడి చెయ్యదనే ఉద్దేశంతో అవి ఎంతో ధైర్యంగా, కాన్ఫిడెన్స్‌తో నేలపైనే జీవిస్తాయి. కానీ ఈ వీడియోలో సింహాలు చెట్టు ఎక్కాయి. అందుకు బలమైన కారణం ఉంది. (lions fight for deer)
Samayam Telugu జింక కోసం సింహాల వేట (image credit - instagram - natureismetal)


ఆఫ్రికా సవన్నా గడ్డి భూముల్లో... రాన్రానూ వన్యమృగాలకు ఆహార కొరత పెరుగుతోంది. అందువల్ల అకలి తీర్చుకునేందుకు అవి పోటీపడి యుద్ధం చేసుకుంటున్నాయి. అలా ఓ జింకను వేటాడిన సింహం... దాన్ని తాను మాత్రమే తినాలి అనే ఉద్దేశంతో.. జింకను నోట కరచుకొని చెట్టుపైకి లాక్కెళ్లింది. అది చూసిన 6 సింహాలు... నాకు కావాలి, నాకు కావాలి అంటూ పోటీ పడ్డాయి. కొన్ని చెట్టుపైకి ఎక్కగా, మరికొన్ని కింద నుంచి జింకను తినేందుకు ఆవురావురు మని ఎదురుచూశాయి. (lions fight on tree)

ఎంతసేపు చూసినా పైన ఉన్న సింహాలు జింకను కిందకు వదలట్లేదు. దాంతో కింద ఉన్నవి కూడా చెట్టు ఎక్కడం మొదలుపెట్టాయి. ఇలా ఆరు సింహాలు చెట్టు ఎక్కి.. జింకను ఎడాపెడా లాగేస్తుంటే... బ్యాలెన్స్ తప్పింది. ఒక్కసారిగా ఆరు సింహాలు కింద పడ్డాయి. అయినప్పటికీ అవి జింకను వదల్లేదు. దేనికి దొరికిన ముక్కను అది లాక్కున్నాయి. చెట్టుపై ఉన్న మరో సింహం కూడా వాటితో కలిసి... పోరాటం చేసింది. ఇలా ఒక్క జింక కోసం ఏడు సింహాలు కొట్టుకున్నాయి. (lions climbing tree)

ఇన్‌స్టాగ్రామ్‌లోని natureismetal పేజీలో పోస్ట్ చేసిన ఆ వీడియోని ఇప్పటికే కోట్ల మంది చూడగా... 11 లక్షల మందికి పైగా లైక్ చేశారు. ఆ వీడియోని ఇక్కడ చూడండి. (viral news)
View this post on Instagram A post shared by Nature Is Metal (@natureismetal)

చిరుతలకు ప్రమాదం:
సింహాలు చెట్లు ఎక్కడం అలవాటు చేసుకుంటే మరింత ప్రమాదం. ఎందుకంటే సింహాల దాడి నుంచి తప్పించుకునేందుకే చిరుతపులులు, చీతాలూ... చెట్లపై ఉంటాయి. సింహాలకు చెట్లు ఎక్కడం అలవాటైతే... అవి చిరుతలపై దాడి చేసే ప్రమాదం ఉంటుంది. దీని గురించే వణ్యప్రాణుల నిపుణులు ఆలోచిస్తున్నారు.
ఎయిర్‌పోర్టులో కలకలం.. లగేజీ తెరచి అవాక్కైన సెక్యూరిటీ సిబ్బంది
సింహాలకు కూడా ఇది ప్రమాదకరమే. చెట్లు ఎక్కడం, దిగడం రెండూ వాటికి ప్రమాదమే. అవి మధ్యలోనే పట్టు కోల్పోయి కింద పడి గాయాలపాలవ్వడమో, చనిపోవడమో జరగగలదు. అందువల్ల ప్రకృతి వాటికి ఇవ్వని శక్తి గురించి అవి ప్రయత్నించకూడదు అంటున్నారు నిపుణులు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.