video: పక్షితో కుక్క ఆటలు.. ఆ తర్వాత ఊహించని పరిణామం...

మనలో చాలా మంది ఇళ్లలో కుక్కల్ని పెంచుకుంటారు. వాటికి టైముకి ఆహారం పెడతారు. ఇంట్లో మనుషుల లాగే చూసుకుంటారు. అందువల్ల ఆ కుక్కలు బయటి ఆహారం ఏదీ తినవు. వాటికి అలాంటి ట్రైనింగ్ ఇస్తారు. ఎందుకంటే బయటి ఆహారం అన్నిసార్లూ మంచిది కాకపోవచ్చు. ఐతే... ఎన్ని జాగ్రత్తలు తీసుకున్నా... ఒక్కోసారి కుక్కలు బయటి ఆహారం తినేస్తుంటాయి. అలా ఓ కుక్క చేసిన పని అందర్నీ ఆశ్చర్యపరుస్తోంది. ఆ వీడియో ఇప్పుడు వైరల్ అవుతోంది (Dog and bird video).

బహుశా ఇలాంటి కుక్కను మీరు ఎప్పుడూ చూసి ఉండరు. ఎందుకంటే అది చేసిన పని అలాంటిది. కుక్క చేసిన ప్రమాదకరమైన పని అక్కడి CCTV కెమెరాలో రికార్డైంది. ఇలాంటి దృశ్యాన్ని మీరు ఇదివరకు ఎప్పుడూ చూసి ఉండకపోవచ్చు.

ఇన్‌స్టాగ్రామ్ లోని nature27_12 అకౌంట్ లో ఈ వీడియోని జనవరి 17న పోస్ట్ చేశారు. ఇందులో ఓ కుక్క ఇనుప కంచె దగ్గర నిలబడి ఉంది. ఆ కంచె పైన ఓ చిన్న పక్షి కూర్చుని ఉంది. కుక్క మొదట ఆ పక్షిని చూసింది. దానితో ఆడుతున్నట్లు నటిస్తూ... తన రెండు కాళ్ళపై కుక్క నిలబడి పక్షికి దగ్గరగా వెళ్లింది. ఆ కుక్క వేసిన ప్లాన్ తెలియని పక్షి.. తనతో ఆడుకుంటోంది అనుకుంది. అందువల్ల పక్షి ఎగిరిపోకుండా అక్కడే ఉంది. ప్రశాంతంగా కూర్చుంది. (Dog play with bird video)

ఆ తర్వాత జరిగిందో ఊహించని ఘటన. పక్షిని చూస్తున్న కుక్క... ఒక్కసారిగా దాన్ని మింగేసింది (Dog swallowed a bird video). నోరు తెరచి లటుక్కున నోట్లోకి పట్టేసింది. ఆ తర్వాత ఏమీ తెలియనట్లు కుక్క నటించింది. ఆ కుక్క అంత వేగంగా... బతికివున్న పక్షిని మింగేయడం అందర్నీ ఆశ్చర్యపరుస్తోంది.

ఈ పక్షి నేలపై వాలదు.. ఎందుకో తెలుసా?
ఆ వీడియో (strange viral video)ని ఇక్కడ చూడండి.

ఈ దృశ్యం చూసిన వాళ్లు ఇలా జరగకపోయివుంటే బాగుండేది అంటున్నారు. ఆ పక్షి అలా ఉండిపోకుండా ఎగిరిపోయివుంటే సరిపోయేది అంటున్నారు. ఇదే వీడియో యూట్యూబ్ లోని Jan ఛానెల్ లో 2019 నవంబర్ 10న అప్ లోడ్ అయ్యింది. దాన్ని ఇక్కడ చూడండి.

కుక్కలకు మాంసం అంటే విపరీతమైన ఇష్టం. అందుకే కుక్కలు చిన్నగా ఉన్నప్పుడు వాటికి దంతాలు వచ్చినప్పుడు... ఎముక లాంటి బొమ్మ ఇస్తారు. అది నిజమైన ఎముకే అని భావించి అవి తెగ కొరుకుతాయి. అలా కుక్కలకు పుట్టినప్పటి నుంచే మాంసంపై ఆసక్తి ఉంటుంది. అందువల్ల మాంసం కనిపిస్తే అవి ఆగలేవు. ఈ వీడియోలో పెంచుకునే కుక్క కూడా అదే పని చేసింది.