Shocking video: చిరుతపులితో సెల్ఫీ.. ఆ తర్వాత ఏమైందంటే!

పులిని దగ్గర నుంచి చూడు తప్పులేదు.. కానీ పక్కనే నిలబడి ఫొటో తీయించుకోవాలనుకోకు... అని ఓ సినిమాలో అదిరిపోయే డైలాగ్ ఉంటుంది. అది గుర్తొచ్చిందో ఏమో గానీ... ఓ యువకుడు నిజంగానే చిరుతపులితో సెల్ఫీ తీయించుకునేందుకు రెడీ అయిపోయాడు. మరి మనోడు అడగ్గానే చిరుత ఓకే అనేస్తుందా... అక్కడ ఏం జరిగిందో తెలుసుకుందాం.

ఈ ఘటన ఆఫ్రికాలోని ఓ సఫారీలో జరిగింది. అక్కడి చిరుతపులులు ఉండే అడవిలోకి టూరిస్టులను జీపులో తీసుకెళ్లారు గైడ్స్. చిరుతపులులకు కాస్త దగ్గర్లో జీపును ఆపి... వాటిని చూడమన్నారు. ఐతే... టూరిస్టులు ప్రశాంతంగా ఉండరు కదా... కాస్త హడావుడి, కేరింతలు కొట్టారు. దాంతో చిరుతపులుల దృష్టి జీపుపై పడింది. ఓ చిరుత చాలా యాక్టివ్‌గా ఉండి... గబగబా వచ్చి జీపు టాప్ ఎక్కింది. ఆ సమయంలో లోపలున్న టూరిస్టులు ఊపిరి బిగపట్టి... నెక్ట్స్ ఏం చేస్తుందో అని భయపడుతూ చూడసాగారు. గైడ్లు సైలెంట్‌గా ఉండమని టూరిస్టులకు చెప్పారు.

ఓ యువకుడు... ఆ చిరుతను చూడగానే దానితో సెల్ఫీ తీసుకోవాలి అనుకున్నాడు. వెంటనే తన సీటు నుంచి పైకి లేచి... కూర్చొని ఉన్న చిరుత పక్కన నిలబడి సెల్ఫీ కోసం యత్నించాడు. అంతలోనే అతనివైపు తిరిగిన చిరుత కోపంగా చూసింది. హడలిపోతూనే అతను సెల్ఫీ తీసుకోవడానికి ప్రయత్నించి... మొత్తానికి తీసుకున్నాడు. అది చూసిన లోపలి ఇతర టూరిస్టులు... విపరీతంగా భయపడ్డారు. ఓ అమ్మాయి అయితే టెన్షన్‌తో కళ్లు మూసేసుకుంది.

ఇదో భయంకరమైన సాహసం. ఇలాంటివి ఎట్టి పరిస్థితుల్లో చెయ్యకూడదు. ఎందుకంటే... చిరుతపులి దేన్నైనా నోట కరిస్తే... ఇక ఆ ముక్క ఊడిపోవాలే తప్ప వదలదు. దాని పదునైన ముందు దంతాలు శరీర మాంసంలో గుచ్చుకుపోతాయి. అందుకే పట్టు నిలిచే ఉంది. అందువల్ల ప్రాణాలు త్వరగానే గాల్లో కలిసిపోతాయి. అది తెలిసి కూడా అతను ఎందుకు సాహసించాడో తెలుసుకునే ముందు ఆ వీడియోని ఇక్కడ చూడండి.

ఈ వీడియోని ఫేస్‌బుక్‌లోని Prakash Agrawal అనే అకౌంట్‌లో డిసెంబర్ 17న పోస్ట్ చేశారు. ఆ యువకుడు అంత ధైర్యంగా సాహసం చెయ్యడానికి 3 కారణాలు ఉన్నాయి. మొదటిది... ఆ చిరుత తరచూ అలా వాహనాలపైకి వచ్చి కూర్చుంటుంది. అలా దానికి అలవాటు చేసినట్లున్నారు. ఇదివరకు అది ఎవరిపైనా దాడి చెయ్యలేదు.

రెండోది గైడ్స్‌ని ఆ చిరుతలు రోజూ చూస్తూనే ఉంటాయి. వారి దగ్గర గన్స్ ఉంటాయనీ... ఎదురు తిరిగితే కాల్చి చంపుతారని ఆ చిరుతలకి తెలుసు. అందుకే అవి టూరిస్టులను ఏమీ చెయ్యవు.

viral video: వామ్మో.. ఇది మామూలు కుక్క కాదు.. మహా తెలివైనది
మూడోది వాటికి పొట్ట నిండుగా ఆహారం పెట్టిన తర్వాతే టూరిస్టులను వాటి దగ్గరకు తీసుకెళ్తారు. చిరుతలు, పులులు, సింహాల వంటివి పొట్ట నిండిన తర్వాత దేని జోలికీ వెళ్లవు. ఆ ప్రకారమే ఆ చిరుత అతన్ని ఏమీ చెయ్యలేదు అనుకోవచ్చు.

viral video: పిల్లి, పావురం మధ్య స్నేహ బంధం.. ఫన్నీ వీడియో
ఏదీ ఏమైనా ఇలాంటి ప్రాణాంతకమైన సాహసాలు చెయ్యడం ప్రమాదకరం. అతని అదృష్టం బాగుండి ఆ చిరుత అతన్ని టచ్ చెయ్యలేదు. అలా కాకుండా తిక్కరేగి మెడ పట్టుకొని ఉంటే ప్రాణాలు పోయేవే. సెల్ఫీల కోసం ఇలా ప్రాణాల మీదకు తెచ్చుకోవడం అవసరమా అని నెటిజన్లు ప్రశ్నించడంలో ఏమాత్రం తప్పులేదు.