టిక్‌టాక్ కోసం.. చిరుత మెడకు తాడు కట్టి, మేకలా నడిపిస్తూ వీడియో

పులిని చూస్తే ఎవరైనా సరే.. భయంతో పరుగులు పెడతారు. లేదా అటవీ అధికారులకు సమాచారం ఇచ్చి దాన్ని పట్టిస్తారు. నేపాల్‌కు చెందిన కొందరు యువకులు టిక్‌టాక్ వీడియో కోసం చిరుత పులి మెడకు తాడు కట్టి నడిపించారు. వీరికి నేపాల్ పోలీసులు కూడా వంత పాడటం గమనార్హం. ఈ ఘటన ఇప్పుడు సోషల్ మీడియలో వైరల్‌గా మారింది.

పర్భత్ జిల్లాలోని జల్జలా గ్రామంలో చిరుత పులి సంచరిస్తుందనే సమాచారం విని ప్రజలు భయపడ్డారు. వెంటనే పోలీసులకు సమాచారం ఇచ్చారు. అయితే, పోలీసులు అటవీ అధికారులకు సమాచారం ఇచ్చి అక్కడికి చేరుకొనేలేపే కొందరు యువకులు దాని పట్టుకుని మెడకు తాడు కట్టి మేక పిల్లను కట్టినట్లు కట్టేశారు.

Also Read: కరోనాతో 48 రోజులు కోమా.. కళ్లు తెరిచేసరికి తల్లి మరణం, కొడుకు వ్యథ!

ఆ తర్వాత కొందరు ఆ పులితో టిక్‌టాక్ వీడియోలు తీసుకోడానికి ఎగబడ్డారు. పులిని తాడుతో పట్టుకుని నడిపిస్తూ వీడియోలు తీసుకున్నారు. ఓ యువతి కూడా పులితో నడిచేందుకు సిద్ధం కావడాన్ని ఈ కింది వీడియోలో చూడవచ్చు. పోలీసులు ఆ యువకులను వారించకుండా వారి వెనకే నడుస్తూ వీడియోలో పడేందుకు ఉత్సాహం చూపడం గమనార్హం. @NirojSedhai అనే ట్విట్టర్ యూజర్ పోస్టు చేసిన ఈ వీడియో ఇప్పుడు సోషల్ మీడియాలో వైరల్‌గా చక్కర్లు కొడుతోంది.
Also Read: పీకలదాక నీళ్లు తాగి చనిపోయిన బాలుడు.. తల్లిదండ్రుల అరాచకం