viral video: న్యూయార్క్ రైల్లో రియల్ హర్రర్.. భయంతో ప్రయాణికురాలు పరుగులు

న్యూయార్క్ సబ్‌వేలో రైళ్లు తరచూ వార్తల్లోకి ఎక్కుతూనే ఉంటాయి. తాజాగా మరోసారి ప్రయాణికులు హడలెత్తిపోయారు. ఎందుకంటే ఓ మరుగుజ్జు లాంటి వ్యక్తి భయంకరమైన మాస్క్ ధరించి రైల్లో కూర్చున్నాడు. మొదట అతను చిన్న పిల్లాడు కావచ్చు అనుకున్నారు. సరదాగా మాస్క్ పెట్టుకున్నాడేమో అనుకున్నారు. కానీ రైలు వెళ్తున్నప్పుడు అతను ఒక్కసారిగా రెచ్చిపోయాడు. అప్పటివరకూ సైలెంట్‌గా ఉన్న వ్యక్తి... అలా చేసే సరికి ప్రయాణికులు ఉలిక్కిపడ్డారు. సినిమాల్లో చూపించే హర్రర్ సీన్ కళ్ల ముందు కనిపించింది. (New York Subway horror video)

హర్రర్ సినిమాల సిరీస్ అయిన చైల్డ్స్ ప్లే (Child’s Play)లో చక్కీ (Chucky) అనే హర్రర్ కేరక్టర్ ఉంటుంది. అదే విధంగా డ్రెస్, మాస్క్ వేసుకున్నాడు ఆ ప్రయాణికుడు. అతను పిల్లాడా, మరుగుజ్జా అన్నది తెలియదు. రైలు వెళ్తున్నప్పుడు తన సీటు నుంచి లేచి.. ఎదురుగా ఉన్న ఓ వ్యక్తిపై పడ్డాడు. అతని పట్టుకొని లాగుతుంటే... అతను భయంతో అక్కడి నుంచి పారిపోయాడు. వెంటనే పక్కన కూర్చున్న మహిళపై పడ్డాడు. ఆమె చేతులో బ్యాగ్ లాక్కోవాలని చూశాడు. ఆమె కాళ్లు పట్టుకొని గిలగిలా కొట్టుకున్నాడు. ఆమె భయంతో కేకలు పెడుతూ పరుగులు తీసింది. అతను కూడా ఆమె వెంట పరుగులు పెట్టాడు. ఇంతలో ఓ ప్రయాణికుడు ఆ మాస్క్‌ని లాగేశాడు. అక్కడితో వీడియో ముగిసింది. అందువల్ల అతను ఎవరన్నది తెలియలేదు. (Chucky in new york train)

రైలులో జరిగిన ఈ ఘటన తోటి ప్రయాణికుల్ని కూడా హడలెత్తించింది. అతను ఎందుకలా చేస్తున్నాడో ఎవరికీ అర్థం కాలేదు. ఈ వీడియోని ట్విట్టర్‌లోని @kirawontmiss అకౌంట్‌లో జులై 1, 2022న పోస్ట్ చేశారు. ఇప్పటివరకూ దీన్ని 1.73 లక్షల మందికి పైగా చూడగా... 4.38 లక్షల మందికి పైగా లైక్ చేశారు.

ఆ వీడియోని ఇక్కడ చూడండి (viral video)

viral video: ఫుల్లుగా తాగిన వరుడు.. పెళ్లిలో ఊహించని ట్విస్ట్
ఈ వీడియో నెటిజన్లను కూడా భయపెడుతోంది. దీనిపై 19 వేలకు పైగా కామెంట్స్ వచ్చాయి. చాలా మంది ఎందుకలా చేశాడన్నదానిపై ప్రశ్నిస్తున్నారు. "న్యూయార్క్ సిటీలో ఏం జరుగుతోంది" అని ఓ యూజర్ ప్రశ్నించగా... "ఆమె వెళ్లిపోయినా... వాడు మళ్లీ ఆమె వెంట పడుతున్నాడు" అని మరో యూజర్ ఆగ్రహం వ్యక్తం చేశారు. "ఇలాంటివి జరుగుతాయనే నేను రైళ్లు ఎక్కను" అని మరో యూజర్ స్పందించారు.
viral video: జలపాతాల దగ్గరకు వెళ్తున్నారా.. ఇలా అస్సలు చెయ్యకండి
"అమెరికన్లకు ఏమైంది? అంతా బాగానే ఉన్నారా" అని మరో యూజర్ కామెంట్ రాశారు. "ఇది కొత్త చక్కీ మూవీ ట్రైలర్ కావచ్చు" అని మరో యూజర్ కామెంట్ ఇచ్చారు. "దీనికి 1980లో వచ్చిన Escape From NewYork సినిమా కరెక్ట్ అని మరో యూజర్ కామెంట్ రాశారు. "ఆమెపై ఒకడు దాడి చేస్తుంటే.. మిగతా వాళ్లంతా చూస్తూ ఉన్నారు. ఇదే సమస్య" అని మరో యూజర్ కామెంట్ ఇచ్చారు.