కాటేసింది, కక్ష తీర్చుకుంది.. పాముకు చుక్కలు చూపించిన మహిళ

పాములు ఇటీవల టాయిలెట్లు, బాత్రూమ్‌లో ప్రత్యక్షమవుతూ జనాలను భయాందోళనలకు గురిచేస్తున్నాయి. ఆస్ట్రేలియా, థాయ్‌లాండ్‌లో తరచుగా ఇలాంటి ఘటనలు సర్వసాధారణం. టాయిలెట్‌లో పాములు కనిపించగానే ప్రజలు అప్రమత్తమై అటవీ అధికారులకు సమాచారం ఇచ్చి.. వాటిని పట్టిస్తున్నారు. అయితే, థాయ్‌లాండ్‌కు చెందిన మహిళ పాముతో పోరాడి.. దానికి చుక్కలు చూపించింది.

అనా అనే మహిళ బాత్రూమ్‌లో టాయిలెట్ మీద కుర్చొంది. అప్పటికే బాత్రూమ్‌లోకి దూరిన పామును ఆమె గమనించలేదు. దీంతో అది ఆమె తోడ మీద కాటు వేసింది. అయితే, ఆమె భయపడకుండా పామును రెండు చేతులతో పట్టుకుంది. దీంతో ఆ పాము ఆమె చేతులను చుట్టేసింది. బాత్రూమ్‌లో తల్లి కేకలు విన్న పిల్లలు ఆమెను రక్షించేందుకు ప్రయత్నించారు. వాళ్లు తెచ్చిన కట్టర్‌తో పామును కోసేందుకు ప్రయత్నించింది. అప్పటికీ అది పట్టు వదల్లేదు. అనంతరం సుత్తితో పాము తల మీద కొట్టింది. దీంతో పట్టువదిలింది. ఈ ఘటనలో అనాకు కూడా గాయాలయ్యాయి.

Also Read: ఈ కుర్చీ చంపేస్తుంది.. 200 ఏళ్లలో ఎన్నో మరణాలు, ‘డెత్ ఛైర్’ వెనుక థ్రిల్లింగ్ హిస్టరీ!

ఈ ఘటనను అనా కుమార్తె ఫేస్‌బుక్‌లో వెల్లడించింది. గాయపడిన పాము ఫొటోను పోస్టు చేసింది. ఈ పోస్టును ఇప్పటివరకు 61 వేల మందికి పైగా షేర్ చేసుకున్నారు. ఈ ఘటనలో తన తల్లి క్షేమంగానే ఉందని, అటవీ అధికారులు పామును రక్షించారని తెలిపింది. పాము కూడా గాయాల నుంచి కోలుకుంటోందని తెలిపింది.

Also Read: లిఫ్టులో దెయ్యం? నిఘా కెమేరాలో యువతి ఆఖరి క్షణాలు, మరణానికి ముందు వింత చేష్టలు