viral video: ఘోర రోడ్డు ప్రమాదం.. రెండుగా విరిగిపోయిన ట్రాక్టర్

కార్లు, బైక్‌లూ వచ్చాక... మనలో వేగం పెరిగింది. ఇంకా ఇంకా త్వరగా వెళ్లిపోవాలనే ఆలోచన... వేగాన్ని మరింత పెంచుతోంది. కానీ మనం ఓ విషయం మర్చిపోతున్నాం. గంటకు 25 కిలోమీటర్ల కంటే ఎక్కువ వేగంతో వెళ్లేటప్పుడు ఏదైనా ప్రమాదం జరిగితే... దాన్ని తట్టుకునేంత సీన్ మన బాడీకి లేదు. మనకు ఏ రక్షణ కవచాలూ లేవు. మన శరీరం మెత్తనిది. ఏదైనా గుచ్చుకుంటే... గాయం అయి తీరుతుంది. ఇవన్నీ తెలిసి కూడా మనం వేగంగా వెళ్తున్నామంటే... తప్పు మనదే. ఖాళీ రోడ్డుపై జరిగిన ఓ ప్రమాదానికి సంబంధించిన పాత వీడియో సోషల్ మీడియాలో మళ్లీ వైరల్ అవుతోంది. (road accident)

ఈ వీడియోని గమనిస్తే... ఓ ట్రాక్టర్ మట్టితో... పల్లెటూరి రోడ్డు నుంచి... అసలు రోడ్డుపైకి వస్తూ ఉంది. ఆ సమయంలో రోడ్డుపై ఓ కారు దూరం నుంచి వస్తూ ఉంది. దాన్ని టూసిన ట్రాక్టర్ డ్రైవర్... ఆగు ఆగు అంటూ తన చేత్తో సైగలు చేస్తూనే ఉన్నాడు. కానీ ఆ కారు డ్రైవర్ పట్టించుకోలేదు. అతి వేగంతో దూసుకొచ్చాడు. ట్రాక్టర్‌ని ఢీకొట్టాడు. దాంతో... ట్రాక్టర్ ఇంజిన్ భాగం ముక్కలైపోయింది. డ్రైవర్ సీట్‌ భాగం అలాగే ఉంది. ఈ ఘోర ప్రమాదంలో ట్రాక్టర్ డ్రైవర్ గాయాలేవీ అవ్వకుండా బయటపడ్డాడు. అతను బయటపడిన విధానం చూస్తే మీకు ఆశ్చర్యం కలగకమానదు. (tractor accident)

ఈ వీడియోని తాజాగా ఇన్‌స్టాగ్రామ్‌లోని @oddly_satisfyiinngg పేజీలో ఏప్రిల్ 30, 2022న పోస్ట్ చేశారు. దీన్ని ఇప్పటివరకు లక్షల మంది చూడగా... 1.22 లక్షల మందికి పైగా లైక్ చేశారు. డ్రైవర్ తప్పించుకున్న విధానం అందరికీ నచ్చుతోంది. (car accident)

ఆ వీడియోని ఇక్కడ చూడండి (viral video)

నిజానికి ఇదే వీడియో తొలిసారి 2020 అక్టోబర్‌లో సోషల్ మీడియాకి ఎక్కింది. అప్పట్లో కూడా వైరల్ అయ్యింది. కానీ ఈ ఘటన ఎక్కడ జరిగిందో, ఎప్పుడు జరిగిందో తెలియదు. ఆ కారు డ్రైవర్ ఆగాడా, లేదా అన్నది కూడా వివరాలు లేవు. కానీ... ఆ డ్రైవర్ గాయాలు కాకుండా తప్పించుకోవడం ఈ వీడియోకి హైలెట్‌గా నిలుస్తోంది. అందుకే నెటిజన్లు దీన్ని బాగా చూస్తున్నారు.
Optical Illusion Video: వింత సొరంగం.. వాహనదారుల్లో భయం
"ఇది సరదా విషయం కాదు" అని ఓ యూజర్ కామెంట్ ఇవ్వగా... "ఈ వీడియోకి ఫన్నీ కామెంట్ ఏం పెడతాం?" అని మరో యూజర్ స్పందించారు. "తప్పు ఎవరిది?" అని మరో యూజర్ ప్రశ్నించారు.
Ghost Mystery: అది పిల్ల దెయ్యం కాదు.. పిశాచి.. ఓ యువతి ఆవేదన
తప్పు ఎవరిది?
తప్పు ఎవరిది అనే విషయానికి వస్తే... సుప్రీంకోర్టు రూల్స్ ప్రకారం.. పక్క రోడ్డు నుంచి వచ్చే వాహనదారులు అటూ ఇటూ చూసుకొని రోడ్డుపైకి రావాలి. ఆ విషయంలో ఇక్కడ ట్రాక్టర్ డ్రైవర్‌ది తప్పు ఉంది. అలాగని పూర్తిగా అతన్నే తప్పుపట్టలేం. కారు డ్రైవర్‌ది కూడా తప్పు ఉంది. అతనికి దూరం నుంచే ట్రాక్టర్ కనిపిస్తోంది. కాబట్టి కారు డ్రైవర్ వేగాన్ని తగ్గించాలి. ప్రమాదం జరగకుండా చూసుకోవాలి. కానీ అతను అలా చెయ్యకుండా... ఎలాగైనా వెళ్లిపోగలను అనే అతి కాన్ఫిడెన్స్‌తో డ్రైవింగ్ చేశాడు. అందువల్ల అతనిదీ తప్పు ఉంది.
viral: వామ్మో.. టాయిలెట్‌లో పడిన పిడుగు.. నయం.. ఎవరూ లేరు
ఇక్కడ మనం మరో విషయాన్ని లెక్కలోకి తీసుకోవాలి. కారు, బైక్ తోలినంత తేలిగ్గా ట్రాక్టర్‌ని నడపలేం. దాన్ని మలుపు తిప్పడం కూడా కష్టమే. కాబట్టి ట్రాక్టర్ లాంటి వాహనాలు రోడ్లపైకి వచ్చేటప్పుడు.. ఇతర వాహనదారులు పరిస్థితిని అర్థం చేసుకోవాలి. ఆ కారు డ్రైవర్ ఇవేవీ ఆలోచించనట్లే కనిపిస్తోంది.