తిరుమల to శబరిమల: అయ్యప్ప భక్తులతో కలిసి 480 కిమీలు నడిచిన వీధి కుక్క

ఆంధ్రప్రదేశ్‌లోని తిరుమల నుంచి కాలినడకన శబరిమలకు ప్రయాణమైన 13 మంది అయ్యప్ప స్వామి భక్తులకు ఊహించని అతిథి తోడు వెళ్లాడు. అది మరెవ్వరో కాదు ఓ వీధి కుక్క. నడక ప్రారంభం నుంచి ఆ కుక్క వారి వెనుకే నడవడాన్ని అయ్యప్ప భక్తులు గమనించారు. కొంచెం దూరం వచ్చిన తర్వాత వెనక్కి వెళ్లిపోతుందని తొలుత భావించారు. కానీ, అది వారి వెంటే రావడం చూసి ఆశ్చర్యపోయారు.

Also Read: చెరువులో పడి యజమాని మృతి.. తిరిగొస్తాడని కుక్క పడిగాపులు!

అక్టోబరు 31న కాలినడకన శబరిమలకు బయల్దేరిన భక్తులు నవంబరు 17న కర్ణాటకలోని చిక్కమగలురు జిల్లా కొట్టిగెహరాకు చేరుకున్నారు. కుక్క కూడా వారితోపాటు సరిహద్దుల దాటి అక్కడికి చేరింది. ఈ సందర్భంగా భక్తులు ‘ఏఎన్ఐ’ వార్తా సంస్థతో మాట్లాడుతూ.. ‘‘కుక్క మా వెంట రావడాన్ని మొదట్లో గుర్తించలేదు. చాలా దూరం వెళ్లిన తర్వాత అది మా వెంట రావడాన్ని చూసి ఆశ్చర్యపోయాం. మార్గమధ్యలో మేం తయారు చేసుకున్న భోజనంలో కొంత ఆ కుక్కకు పెట్టేవాళ్లం. ఏటా మేం శబరిమలకు వెళ్తుంటాం. కానీ, ఈ సారి కుక్క వల్ల కొత్త అనుభూతి కలుగుతోంది’’ అని తెలిపారు.

వీడియో:

ఈ వీడియోలో కుక్క కుంటుతూ నడవడం కనిపించింది. అలాగే దాని మెడకు గంటలు కూడా కట్టి ఉన్నాయి. అయితే, ఆ గంట స్వాములే కట్టినట్లు తెలుస్తోంది. గతంలో కూడా అయ్యప్ప భక్తుల వెంట కుక్కలు నడుచుకుని వెళ్లిన సందర్భాలు ఉన్నాయని పలువురు నెటిజనులు పేర్కొన్నారు. గతంలో ఓ కుక్క సుమారు 600 కిమీలు నడిచిందని తెలిపారు.

Also Read: రోడ్డుపై కుక్క.. దానిపై నుంచే వాహనాలు, చివర్లో పేద్ద ట్విస్ట్!

ఈ అరుదైన ఘటనపై నెటిజనులు ఏమంటున్నారనేది ఈ కింది ట్వీట్లలో చూడండి.
Also Read: రోడ్డుపై పడివున్న కుక్కకు మహిళ సాయం.. గుండె బరువెక్కించే వీడియో