viral video: రియల్ అపరిచితుడు సీన్!.. మక్కెలు ఇరగదీశారు

డైరెక్టర్ శంకర్-విక్రమ్ కాంబినేషన్‌లో వచ్చిన అపరిచితుడు సినిమా ఓ సెన్సేషన్. ఆ సినిమాలో ఓ సీన్‌లో రాము నుంచి అపరిచితుడు బయటికొస్తాడు. హీరోయిన్‌ను చంపేందుకు సిద్ధపడతాడు. ప్రాణ రక్షణ కోసం హీరోయిన్... ఓ కరాటే ట్రైనింగ్ కేంద్రంలోకి పరుగులు పెడుతుంది. అక్కడ కరాటే నేర్చుకునేవారితో... అపరిచితుడు తలపడతాడు. సరిగ్గా ఇలాగే రియల్‌గా ఓ ఘటన జరిగింది. కొన్ని చిన్న చిన్న మార్పులున్నాయి. ఓ వ్యక్తి తలకు హెల్మెట్ పెట్టుకొని... ఓ ఆఫీస్ లాంటి దాంట్లోకి వెళ్లాడు. అక్కడి రిసెప్షన్‌లో ఉన్న వ్యక్తి మొబైల్ చూసుకుంటున్నాడు. (Real Aparichit scene)

హెల్మెట్ పెట్టుకున్న దుండగుడు.. గన్ తీసి... బెదిరించాడు. మొబైల్ లాక్కొని తన ప్యాంట్స్ జేబులో పెట్టుకున్నాడు. తర్వాత రిసెప్షన్‌లో వ్యక్తిని బెదిరిస్తూ... అండర్‌గ్రౌండ్‌లోని మరో గదిలోకి తీసుకెళ్లాడు. తీరా అక్కడ చూస్తే... కొందరు కరాటే నేర్చుకుంటున్నారు. కరాటే గురువు ఆ దుండగుణ్ని చూడగానే అలర్ట్ అయ్యాడు. వాళ్లను చూసిన దుండగుడు భయపడ్డాడు. రాకూడని ప్లేస్‌కి వచ్చానే అని అనుకుంటూ... అక్కడి నుంచి పారిపోయేందుకు యత్నించాడు. కానీ వాళ్లు వదల్లేదు. పారిపోయేలోపే పట్టుకొని ఉతికారేశారు. (robbed the wrong place)
Haunted Doll Video: కూతురికి దెయ్యం బొమ్మని కొని ఇచ్చిన తల్లి
ఇది ఎప్పుడు జరిగిందో, ఎక్కడ జరిగిందో వివరాలు లేవుగానీ... ఈ ఘటనకు సంబంధించిన వీడియోని రెడ్డిట్‌లోని SnooFoxes1091 యూజర్ మే 25, 2022న పోస్ట్ చేశారు. ఈ వీడియోకి ఇప్పటికే 24వేలకు పైగా అప్ ఓట్లు వచ్చాయి.

ఆ వీడియోని ఇక్కడ చూడండి (viral video)
viral video: ఓయమ్మో.. కుక్కలా కనిపించడానికి రూ.12 లక్షలు ఖర్చుపెట్టాడు
దీనిపై నెటిజన్లు తాము ఏమనుకుంటున్నదీ తెలిపారు. "ఇది నిజమేనా" అని ఓ యూజర్ కామెంట్ ఇవ్వగా... "ఇదో సినిమా క్లిప్ కావచ్చు. నాకు పేరు గుర్తుకు రావట్లేదు" అని మరో యూజర్ స్పందించారు. "ఇది నిజమైనా అబద్ధమైనా... దీన్ని చూసి ఎంజాయ్ చేద్దాం" అని మరో యూజర్ కామెంట్ ఇచ్చారు. "ఇది మార్షల్ ఆర్ట్స్ స్కూల్ ప్రచార వీడియో కావచ్చు" అని మరో యూజర్ స్పందించారు.
viral video: వామ్మో సీగల్ పక్షి.. పిజ్జా ఎత్తుకుపోయిందిగా..!
"అతనికి సరిగ్గా గన్ పట్టుకోవడమే రావట్లేదు. అమెరికన్లను చూసి నేర్చుకోవాలి" అని మరో యూజర్ కామెంట్ ఇచ్చారు. "ఇది ఫేక్ కాకపోవచ్చు. పెద్దగా ఎవరికీ తెలియనిది కావచ్చు" అని మరో యూజర్ రిప్లై ఇచ్చారు. "చివర్లో ఆ ఇద్దరూ ఆకాశం నుంచి టెలీపోర్ట్ ద్వారా అక్కడికి వచ్చారా... వచ్చి డోర్ దగ్గర ఆడుకుంటున్నారా... బాగుంది" అని మరో యూజర్ కామెంట్ ఇచ్చారు. ఇలా ఈ వీడియోపై భిన్న రకాల కామెంట్స్ వస్తున్నాయి.