పోలీస్ స్టేషన్‌కే కన్నం వేసిన దొంగలు, 185 ఫోన్లు ఎత్తుకెళ్లి.. పోలీసులకు సవాల్!

ఇళ్లల్లో దొంగతనాలు చేసి చేసి.. బోర్ కొట్టిందో ఏమో, ఆ దొంగలు ఏకంగా పోలీస్ స్టేషన్‌కే కన్నం వేశారు. తాపీగా 185 ఫోన్లు ఎత్తుకెళ్లిపోయారు. ఈ ఘటన మరెక్కడో కాదు, మహారాష్ట్రలోని కొల్హాపూర్‌‌లో చోటుచేసుకుంది. పోలీస్ స్టేషన్లో దొంగలుపడ్డారనే సమాచారం దావనంలా వ్యాపించడంతో జనాలు నోరెళ్లబెట్టారు. పోలీస్ స్టేషన్‌కే రక్షణ లేకపోతే ఇక సాధారణ ప్రజల పరిస్థితి ఏమిటంటూ ఆందోళన వ్యక్తం చేశారు.

కొల్హాపూర్‌కు 38 కిలోమీటర్ల దూరంలో ఉన్న జయ్‌సింగపూర్‌ పోలీస్ స్టేషన్‌‌‌ను దొంగలు టార్గెట్ చేసుకున్నారు. దొంగల నుంచి స్వాధీనం చేసుకొనే విలువైన వస్తువులన్నీ ఠాణాలోని స్టోర్ రూమ్‌లో ఉంచుతారని తెలుసుకున్న దొంగలు.. చోరీకి స్కెచ్ వేశారు. ఆ పోలీస్ స్టేషన్ గురించి వారికి ముందే అవగాహన ఉండటం, భవనం వెనుక సీసీటీవీ కెమేరాలు లేకపోవడంతో సులభంగా దొంగతనం చేయవచ్చని భావించారు.

Also Read: హైసెక్యూరిటీ జైలుకు చెంచాలతో కన్నం వేసి ఖైదీలు పరార్, ఇదో థ్రిల్లింగ్ మిస్టరీ!

పక్కా ప్లాన్‌తో పోలీసులకు ఏ మాత్రం అనుమానం కలగకుండా రాత్రికి రాత్రే పోలీస్ స్టేషన్ గోడకు కన్నం పెట్టారు. అనంతరం 185 మొబైల్ ఫోన్లను ఎత్తుకెళ్లారు. ఈ ఘటనతో మహారాష్ట్ర పోలీసులు అప్రమత్తమయ్యారు. ఈ ఘటన పోలీస్ వ్యవస్థకే సిగ్గుచేటని భావిస్తున్నారు. పోలీస్ స్టేషన్‌కే కన్నం వేసేందుకు ధైర్యం చేసిన ఆ దొంగలను విడిచిపెట్టే ప్రసక్తే లేదని సపథం పన్నారు. ఆ దొంగల కోసం పోలీసులంతా జల్లెడపడుతున్నాడు.

Also Read: ఒక పాట.. వందలాది ఆత్మహత్యలకు కారణమైంది, ఎలాగో తెలుసా?