కంటి నుంచి నీటిధార.. ముక్కుతో పీల్చి మొక్కలకు నీరు!

ముక్కుతో నీళ్లు పీల్చడం పెద్ద కష్టం కాకపోవచ్చు.. కానీ, ఆ నీటిని కంట్లోకి తెచ్చుకుని పైపులా బయటకు చిమ్మడమే అసాధ్యం. అయితే, చైనాలోని హెనాన్ ప్రాంతానికి చెందిన ఝాంగ్ ఇలాంగ్ అనే కుంగ్‌ఫూ మాస్టర్ కన్నీళ్లను ధారగా వదులుతూ మొక్కలకు నీళ్లు పోస్తున్నాడు. కేవలం నీళ్లు మాత్రమే కాదండోయ్ పాలధారను కూడా కంటి నుంచి చిమ్ముతున్నాడు.

ఈ వీడియో ఇప్పుడు సోషల్ మీడియాలో వైరల్‌గా మారింది. ఇలాంగ్ గ్లాసుడు నీళ్లను ముక్కు నుంచి పీల్చుకుని.. కంటి నుంచి ధారలా గులాబీ పూలను తడపడం ఆశ్చర్యం కలిగిస్తోంది. ఇలా అతడు 1.7 మీటర్ల దూరం వరకు కంటితో నీటిని విరజిమ్మగలనని ఇలాంగ్ చెబుతున్నాడు. ముక్కు నుంచి నీటిని పీల్చగానే.. నోటిని బిగపెట్టి కంట్లోకి తెస్తున్నాడు. ఆ తర్వాత కన్నీరు వచ్చే రంథ్రం నుంచి ఆ నీటిని ఫోర్స్‌గా వదులుతున్నాడు. ‘‘ఇది చాలా కష్టమైన, ప్రమాదకర ప్రక్రియ. దీన్ని చూసిన ప్రేక్షకులు ఇలా చేయడానికి ప్రయత్నించవద్దు. ముఖ్యంగా పిల్లలు అస్సలు చేయొద్దు. పదేళ్ల నుంచి ప్రాక్టీస్ చేయగా ఇప్పటికి సఫలమైంది’’ అని ఇలాంగ్ హెచ్చరించాడు.
వీడియో:
Image credit: YouTube