తొలగించిన చేతిపై ప్రేమ.. దాన్ని వదులుకోలేక అతడు ఏం చేశాడో తెలుసా?

శరీరంలో ఏ ఒక్క అవయవాన్ని కోల్పోయినా.. ఆ బాధ జీవితాంతం వెంటాడుతుంది. అతడిది కూడా అదే పరిస్థితి.. ఓ ప్రమాదంలో చచ్చుబడిన అతడి చేతిని వదులుకోవడం ఇష్టంలేని అతడు దాన్ని తొలగించవద్దని డాక్టర్లకు చెప్పాడు. సుమారు రెండు దశాబ్దాలుగా పనిచేయని ఆ చేతితోనే జీవించాడు. తన చేతిని తిరిగి పనిచేసేలా చేసే వైద్యుడు ఎవరైనా ఉంటారనే ఆశతో ప్రపంచమంతా తిరిగాడు. కానీ, ఏ వైద్యుడికీ సాధ్యం కాలేదు. దీంతో అతడు తన మనసు చంపుకోవల్సి వచ్చింది. శరీరంలో నిరూపయోగంగా ఉన్న తన చేతి వల్ల ప్రాణానికే ప్రమాదమని వైద్యులు చెప్పడంతో చివరికి దాన్ని తొలగించడానికి అంగీకరించాడు. అయితే, అతడిలో తన చేతి మీద ప్రేమ తగ్గలేదు. ఈ నేపథ్యంలో అతడు ఏం చేశాడో తెలిస్తే తప్పకుండా ఆశ్చర్యపోతారు.

ఏం జరిగింది?: అతడి చేతికి ఏం జరిగిందో తెలియాలంటే.. మనం 1999లో జరిగిన విషాద ఘటన గురించి తెలుసుకోవాలి. కెనడాలో నివసిస్తున్న ఆ వ్యక్తి పేరు మార్క్ హాల్మోగ్రెన్. అతడికి 17 ఏళ్ల వయస్సు ఉన్నప్పుడు తన సోదరుడి బైకు నడుపుతూ ప్రమాదానికి గురయ్యాడు. దీంతో అతడి కుడిచేతి భుజం నరాలు నలిగిపోవడం వల్ల ఆ చేయి స్పందన కోల్పోయి చచ్చుబడిపోయింది. ఆ వయస్సులోనే వైద్యులు దాన్ని తొలగిస్తామని చెప్పారు. కానీ, అందుకు అతడు అంగీకరించలేదు.
20 ఏళ్లుగా ప్రయత్నం: ఆ చేతికి మళ్లీ జీవం పోస్తారనే ఆశతో అతడు తిరగని హాస్పిటల్ లేదు. కానీ, అన్ని చోట్లా ఒకటే సమాధానం.. ‘‘ఆ చేయి ఇక పనిచేయదు, తొలగించాలి’’ అని. మార్క్‌కు ఇప్పుడు 37 ఏళ్లు వచ్చాయి. చివరి ప్రయత్నంగా మరోసారి వైద్యులను సంప్రదించాడు. కానీ, అదే సమాధానం ఎదురైంది. దాన్ని తొలగించకపోతే ప్రాణాలకే ప్రమాదమని చెప్పడంతో చివరికి చేతిని తొలగించేందుకు అంగీకరించాడు.
Also Read: వామ్మో.. ఆ దేశంలో భార్యలను మార్చుకుంటారు, ఎత్తుకెళ్లి మరీ కాపురం చేస్తారు.. అది ఆచారమట!

ఫ్రిజ్లో దాచుకున్నాడు: అలా తొలగించిన చేతిని హాస్పిటల్‌లో వదిలేందుకు అతడికి అస్సలు ఇష్టం లేదు. దీంతో ఆ చేతిని తనకు తిరిగి ఇవ్వాలని, తొలగించిన వెంటనే దాన్ని కెమికల్స్‌లో జాగ్రత్తపరచాలని కోరాడు. సర్జరీ తర్వాత ఆ చేతిని తన వెంట తీసుకెళ్లి ఫ్రిజ్‌లో దాచుకున్నాడు. సుమారు నెల రోజులు దాన్ని అందులోనే ఉంచాడు. అయితే, దాన్ని అలా పెట్టడం తనకు ఇష్టం లేదు. అది ఎప్పుడూ తనతోనే ఉండాలని కోరుకున్నాడు. దీంతో దాన్ని ఫ్రిజ్ నుంచి తీసి బయట వదిలేశాడు.

Also Read: నగ్న సన్నివేశాలతో వైరలయిన టాప్ 10 హీరోయిన్లు.. వీరి సినిమాలు ఇండియాలో బ్యాన్!

చేతి ఎముకతో షికారు: చర్మాన్ని తినేసే పురుగులకు ఆ చేతిని ఆహారంగా వదిలాడు. కొద్ది రోజులపాటు దాన్ని పట్టించుకోలేదు. ఆ చేతిమీద చర్మం మొత్తాన్ని పురుగులు తినేసిన తర్వాత మిగిలిన చేతి ఎముకను ఫాలిష్ చేశాడు. తాను ఎక్కడికెళ్లినా ఆ చేతి ఎముకను వెంట తీసుకెళ్తూ జనాలకు షాకిస్తున్నాడు. దాన్ని చూడగానే జనాలు అతడు మంత్రగాడని కంగారుపడినా.. అతడికి ఆ చేతిపై ఉన్న మమకారాన్ని తెలుసుకుని జాలి చూపిస్తున్నారు.