viral video: వామ్మో.. ఈ వీడియో చూస్తే.. ఇంకెప్పుడూ ఘాట్ రోడ్డులో వాహనం ఆపరు

అదో ఘాట్ రోడ్డు. చాలా అందంగా ఉంది. చుట్టూ భారీ చెట్లు ఉన్నాయి. అలాంటి చోట ఓ రెడ్ కలర్ కారు ఆగివుంది. ఆ కారును ఓవర్ టేక్ చేసింది ఓ ఫ్యామిలీ. రెడ్ కలర్ కారు ఆగినట్లే.. తాము కూడా కాసేపు ఆగాలని అనుకున్నారు. ఐతే... కారు వెనక సీట్లో ముగ్గురు వ్యక్తులున్నారు. వారిలో కుడివైపున కూర్చున్న 30 ఏళ్ల మహిళ... ఎడమవైపున కూర్చోవాలి అనుకుంది. అందుకోసం కారు దిగి... మరోవైపున కారు ఎక్కేందుకు వచ్చింది. లోపలున్న మరో ఇద్దరు... పక్కకు జరిగి ఆమె కూర్చునేందుకు ప్లేస్ ఇచ్చారు. ఆమె కారు ఎక్కబోతున్న సమయంలో అదే రోడ్డుపై మరో కారు వచ్చింది. (tiger grabs a woman)

ఆ కారులో వారు ఏదో అంటుంటే.. ఆ యువతి వారివైపు చూసింది. అప్పటికే ఓ పులి పొదల్లోంచీ దూసుకొచ్చి.. ఆ యువతిని లాక్కుపోయింది. కారులో వారు కేకలు పెడుతూ... ఆమె కోసం పులి వెంట పరుగులు పెట్టారు. ఆ క్రమంలో కూతురి ప్రాణాలు కాపాడేందుకు 57 ఏళ్ల తల్లి ఆ పులికి ఆహారం అయిపోయింది. తీవ్ర గాయాలపాలైన కూతుర్ని ఆస్పత్రిలో చేర్చారు. ఆమె బతికింది. ఇదంతా అక్కడి సీసీటీవీ కెమెరాలో రికార్డ్ అయ్యింది. (mother died to save daughter)

ఈ విషాద ఘటనకు సంబంధించిన వీడియోని ట్విట్టర్ లోని RANDOMFACTS2022 అకౌంట్‌లో జులై 1, 2022న పోస్ట్ చేశారు. ఇప్పటికే దీన్ని 1.19 లక్షల మందికి పైగా చూడగా... 3వేల మందికి పైగా లైక్ చేశారు. (china wildlife incident video)

ఆ వీడియోని ఇక్కడ చూడండి
viral video: రియల్ హీరో.. అడవి దున్నతో పోరాడి చిన్నారిని కాపాడాడు
నిజానికి ఇది ఇప్పుడు జరిగిన ఘటన కాదు. 2016లో జరిగింది. చైనా... బీజింగ్‌లోని... బడాలింగ్ వైల్డ్‌లైఫ్ వరల్డ్‌లో జరిగింది. అదో సపారీ టైపు పార్కు. అక్కడికి వీకెండ్‌లో టూరిస్టులు వచ్చి... వన్య ప్రాణుల్ని వాహనాల్లోనే ఉండి చూస్తూ ఎంజాయ్ చేస్తారు. అలాంటి చోట ఈ విషాదం జరిగింది. దాడి చేసినది సైబీరియా పులి అని అప్పట్లో అధికారులు తెలిపారు. ఈ ఘటన తర్వాత ఆ పార్కును మూసివేసి.. దర్యాప్తు జరిపించారు.
viral video: సర్ఫింగ్ చేస్తుండగా తోసేసిన డాల్ఫిన్.. నెటిజన్ల నవ్వులే నవ్వులు
ఘాట్ రోడ్డులో జాగ్రత్త తప్పనిసరి:మన తెలుగు రాష్ట్రాల్లో ఘాట్ రోడ్లు చాలా ఉన్నాయి. తరచూ అటుగా ప్రయాణాలు చేస్తూనే ఉంటాం. ప్రమాదకరమైన ప్రదేశాల్లో వాహనాలు ఆపకపోవడమే మేలు. ముఖ్యంగా వానాకాలంలో చాలా మంది జలపాతాలూ, టూరిజం ప్రదేశాలకు వెళ్తుంటారు. అక్కడ ఎలాంటి ఆపదలు ఉంటాయో తెలియదు. కాబట్టి.. అక్కడి అధికారులు చెప్పే విషయాల్ని దృష్టిలో పెట్టుకొని నడుచుకోవడం మేలు. పులులు, చిరుతల లాంటివి పొదల్లో నక్కి ఉంటాయి. అవి ఒక్కసారిగా మీదకు ఎగిరి పంజా విసిరి ప్రాణం తియ్యగలవు. అలాంటి సమయంలో వాటి నుంచి తప్పించుకోవడం దాదాపు కష్టం. అదే వాహనం దిగకుండా ఉంటే.. బైక్ అయినా, కారు అయినా... ఎలాగొలా తప్పించుకునే అవకాశం ఉంటుందని ఈ వీడియో అప్రమత్తం చేస్తోంది.