గాల్లోకి ఎగిరి.. భవనం మొదటి అంతస్తులోకి దూసుకెళ్లిన కారు, ఇద్దరు దుర్మరణం

అత్యంత వేగంగా వెళ్తున్న ఓ కారు అదుపుతప్పి డివైడర్‌ను ఢీకొట్టింది. ఆ వెంటనే గాల్లోకి ఎగిరి ఓ భవనం మొదటి అంతస్తులోకి దూసుకెళ్లింది. ఈ ఘటనలో కారు మొత్తం నుజ్జునుజ్జయ్యింది. ఆ కారును డ్రైవ్ చేస్తున్న యువకుడు, అతడి స్నేహితుడు సైతం దుర్మరణం చెందారు. జెర్సీలో ఆదివారం ఉదయం 6.30 గంటలకు చోటుచేసుకుంది.

Also Read: కారుతో పోలీస్ స్టేషన్‌లోకి దూసుకెళ్లిన మందుబాబు.. మత్తు దిగేసరికి జైల్లో!

బ్రాడెన్ డెమార్టిన్ (22), అతడి స్నేహితుడు డానియల్ ఫాలే (23)తో కలిసి తన పోర్స్చే (Porsche) కారులో లాంగ్ డ్రైవ్‌కు బయల్దేరాడు. కారు టామ్స్ రివర్ వద్దకు చేరుకోగానే.. అతి వేగం వల్ల అదుపు తప్పి డివైర్‌ను ఢీకొట్టి ఆ వేగానికి కారు ఒక్కసారిగా గాల్లోకి లేచింది. రోడ్డు పక్కనే ఉన్న ఓ భవనం మొదటి అంతస్తులోకి చొచ్చుకెళ్లింది.

భవనంలోకి దూసుకెళ్లిన కారు చిత్రాన్ని ఈ ట్వీట్లో చూడండి:

ప్రమాదం సమయానికి ఆ గదిలో ఎవరూ లేరు. అయితే, కారు బలంగా భవనాన్ని ఢీకొట్టడం వల్ల బ్రాడెన్, డానియల్‌లు అక్కడిక్కడే ప్రాణాలు విడిచారు. కారులో చిక్కుకున్న వారి శరీరాలను బయటకు తీయడానికి రెస్క్యూ సిబ్బంది చాలా శ్రమించాల్సి వచ్చింది. ఈ ఘటన తర్వాత క్రేన్ సాయంతో కారును కిందికి దించారు.
Also Read: ఫోన్ చూస్తూ రైల్వే ట్రాక్‌పై పడ్డ మహిళ.. అదే సమయంలో ప్లాట్‌ఫాం మీదకు రైలు