Video: కోళ్లతో పెట్టుకున్న పిల్లి.. కుమ్మేశాయి.. చివరకు ఏమైందంటే!

పిల్లి, ఎలుకల పోరాటం మనకు తెలుసు. అవి రెండూ మొదటి నుంచి శత్రువులే. ఎలుకే పిల్లికి ఆహారం కాబట్టి... దాన్ని తినేందుకు పిల్లి ఎప్పుడూ ప్రయత్నిస్తూనే ఉంటుంది. ఆ యుద్ధంలో ఎప్పుడూ పిల్లే గెలుస్తుంది. ఎందుకంటే ఎలుక చాలా చిన్నది, బలహీనమైనది కాబట్టి (Animal fight video). ప్రస్తుతం పిల్లి, కోడిపెట్టల ఫైటింగ్ వీడియో సోషల్ మీడియాలో వైరల్ అవుతోంది. ఇందులో కోళ్లను తక్కువ అంచనా వేసిన పిల్లి... తనను తాను కాపాడుకునేందుకు గట్టిగానే పోరాడాల్సి వచ్చింది. ఈ పోరాటంలో కోళ్లు ఎలా గెలిచాయన్నది అసలైన యుద్ధ తంత్రం (Cat cock fight video).

జనరల్‌గా పిల్లితో పెట్టుకుంటే కోడి ఓడిపోతుంది. ఎందుకంటే... పిల్లి కాళ్ల గోళ్లు బలంగా గుచ్చుకుంటాయి. పైగా... పిల్లి అంటే సహజంగానే కోడికి భయం ఉంటుంది. కానీ ఈ వీడియోలో రివర్సులో జరిగింది. ఓ కోడి పెట్టతో పెట్టుకున్న పిల్లి... దానిపై దాడికి దిగింది. అది చూసిన మరో కోడి పెట్ట పరుగెడుతూ వచ్చి పిల్లిని గుచ్చింది. ఒకటికి రెండు తోడవ్వడంతో... పిల్లిని అవి బలంగా ఎదురించగలిగాయి (cat hen fight video).

కొన్ని క్షణాలకు రెండు కోళ్లూ వేర్వేరుగా వెళ్లగా... మళ్లీ పిల్లి సింగిల్ కోడిపై దాడికి యత్నించింది. దాంతో... వెళ్లిపోయిన కోడి మళ్లీ వచ్చి పిల్లిని కుమ్మేసింది. రెండు కోళ్లూ ఒక్కటై పిల్లిని నేలపై పడేసి గుచ్చాయి. రెండుసార్లు దెబ్బ తిన్న పిల్లి... మూడోసారి మళ్లీ ప్రయత్నించింది. అప్పుడు కూడా ముక్కుతో గుచ్చి గుచ్చి పిల్లిని పారిపోయేలా చేశాయి కోళ్లు. (wildlife videos)

ఈ యుద్ధ తంత్రంలో కోళ్ల విజయానికి కారణం జట్టు కట్టడం. ఆ కోళ్లు విడివిడిగా ఉండి ఉంటే... పిల్లి చేతిలో ఓ కోడి బలైపోయేదే. కానీ అవి చేతులు కలిపి బలం పెంచుకున్నాయి. దాంతో పిల్లి ఆటలు సాగలేదు. యుద్ధాల్లో కూడా బలమైన శత్రువును ఓడించాలంటే... మిత్రులను కలుపుకోవాలి. మహాభారత యుద్ధంలో పాండవులు ఐదుగురే ఉన్నా.. శ్రీకృష్ణుణ్ని తమతో కలుపుకోవడం వల్ల విజయం సాధించగలిగారని పురాణాలు చెబుతున్నాయి.

ఆ పిల్లి వీడియో (cat viral video)ను ఇక్కడ చూడండి


ఈ ఫన్నీ వీడియోని ట్విట్టర్‌లోని @SeeFunnyVideo అకౌంట్‌లో షేర్ చేశారు. దీన్ని ViralHog నుంచి తీసుకున్నట్లు తెలిపారు. ఈ ఘటన ఎప్పుడు, ఎక్కడ జరిగిందో చెప్పలేదు.

Video: ఆకాశం నుంచి పడిన పాము!.. భయంతో జనం పరుగులు
ఈ వీడియో సూపర్ వైరల్ అయ్యింది. ఇప్పటికే దీన్ని 1.73 లక్షల మంది చూశారు. "ఎత్తుకు పై ఎత్తు" అని ఓ యూజర్ కామెంట్ ఇవ్వగా... మరో యూజర్ ఫన్నీ ఇమోజీలు ఇచ్చారు.